محسن الغيداني

[اللحالي]

‏
‏

دنيـاً سـوات الـفـيّ سـاعـة وزايــلمـا ينعـرف مطلاعهـا مــن نزولـهـا

مـا علمـت بأسـرارهـا كــل سـايـللـو علـمـت بأسـرارهـا كـذبـوا لـهـا

لكـن بهـا مـن بعـض الاشيـاء دلايـلوتغـرّ مـن يمشـي لهـا فـي قبولـهـا

ترمـيـه فــي غـبـت بـحـورٍ هـوايــلوترقيـه روس جبالهـا عـن سهولهـا

من طـاع نفسـه و اقتـدى بالهزايـلوالله لياطـا كـل سـوداً وطــوا لـهـا

خطـو الولـد حـرصٍ لحكـي النقايـلثـرثــار والـنـمـه حـريــصٍ يقـولـهـا

وخطـو الولـد يبـري جـروحٍ عـلايـلوراع الشكـالـه كــل طـالـه ينولـهـا

قلتـه وانــا جـرّبـت كــل المسـايـلومشيت للطاله مع اللي مشـوا لهـا

يقولـهـا الـلـي هــلّ حـلـو المـثـايـلكـمـا تـهـلّ مــن النـواشـي ثعولـهـا

امثـال مــال لـهـا الـغـرام وتمـايـلكتـب قلمـي ولسانـي اللـي يقولـهـا

مـانـي بمسكـيـنٍٍ لـلاحـزان شـايـلتــدف لــه ســود الليـالـي طبولـهـا

ولانــي مـولّـع شمـعـتـه بالـقـوايـلولا ارافق اللـي غيضهـا فـي حثولهـا

ولا امشي مع الرديان واهل المحايلعيبٍ علـى مثلـي الـى سـار حولهـا

وانـا احـمـد المعـبـود راع الفضـايـللـي لابــتٍ يثـبـت كـلامـي فعولـهـا

ربـعـي مـداويـن الـكـبـود الـعـلايـليــوم الايــادي مــا يقـصّـر بطولـهـا

يـامـا بغـاهـم مــن عـــدوٍ وعـايــلوعـوّد بعـد مـا داستـه فـي نعولـهـا

وان شانـت الدنـيـا بـكـل الوسـايـلرسـو كمـا ترسـي قواعـد سطولهـا

إلا ولا داعـــي كـمــا قـــال قـايــلدنيـاً تغـيّـر والـعـرب مــا دروا لـهـا

ولا فرق بين النـاس قاصـر وطايـلالـفـرق هــو بفعالـهـا مــع دلـولـهـا

وكم واحدٍ لو هو من اقصى القبايـلربعـي تـعـدّه مــن نــوادي زحولـهـا

يالله يامنـشـي صـــدوق المـخـايـلياحـامـلٍ فــوق الـبـواخـر حمـولـهـا

انــك تـعـدّل كــل مــا كــان مـايـلوانـك تـعـدّل جابـتـي عــن ميولـهـا

مـا قلتـهـا فــي ناسـعـات الجـدايـلوالشـاهـد الله مــا نخـايـل لزولـهـا

اقولـهـا بـأهـل الـفـخـر والجـمـايـلاللـي ثقيـلات الحمـول ارتـكـوا لـهـا

.

الشاعر/محـسـن حـويـان الغيـدانـي

‏

اصايل ,ابو مناحي معجبون بهذا