تحدي في الشعر !! اخر حرف من البيت الشعر

[ترانيم حربيه]

كل ما جيت المداهيل عاودني بلاي

تنفطــر كبـــدي لذكرى سنينٍ فايته

جعل يسقى ذيك الأيام يا غاية مناي

قبـــل لا يعــلن هــوانا العفيف نهايته

ابو مناحي معجب بهذا

[ابو مناحي]

هاذي احوال دنيا دانيه ماتنومن=لو عطتك الامن عادتها الغدر
السلامه تنشرا لو باغلا ثمن=وكل فرحه ضدها ضيقة صدر

اصايل معجب بهذا

[ترانيم حربيه]

ربع ليله في غيابك ربع عمري

آنتبــه تجني عــلي وتغيب ليله

لا تأخر في حضورك وأنت تدري

غيبتك لوقــصرت تبقى طــويله

ابو مناحي معجب بهذا

[اللحالي]

هالموادع بالقلوب المست إسه
يعرفون ان اخرتهم كالفرايس

يالميس القلب من هامزلميسه
كنّهم بالّمس لوماهم لمايس

أكيد ماحد فاهمك يالشايب
لكن الغزل ماعليه تحايل

اصايل معجب بهذا

[ترانيم حربيه]

سلام والخافق من الشوق يطـــريك

مــشتاق لك ليت الــرساله تشـدّك

يسأل عليـك اللي من الناس يغليك

يسأل ويــرسل ما يبي غـــيـر ردّك

اصايل معجب بهذا

[اصايل]

كل وافي يوعد بوعده وفاء=والرجال يقدرونه من وفاه وكل من يجحد ولاعنده وفاء=في حياته صار كنه في وفاه ناصر الشميلاني=

[ترانيم حربيه]

هكــذا العالم مفـــاهيم وشعـور

الامــــاني حــــلم والواقع طريف

من تحلى بـ الثقه ، قالوا غرور

ومن تواضــع للعرب قالوا خفيف

[ابو مناحي]

فيك عرف وفيك فهم وفيك خبره=ماجمعهن غير من قلبه لبيبي
ماقصر عن قمة الامجاد شبره=مثل نورٍ بالعلالي ما يغيبي

[ترانيم حربيه]

ياصاحبي قــد قلت لك ألف مــره

لا يشغلك توضيح معنى غموضي

ماني بـحـر بتغـــوص وتجـيب دره

أنا بـحـر ما راح يمــديـك خـــوضي

[ابو مناحي]

يامالك الملك والاقدار كاتبها=ياعالمٍ في خفايا النفس سبحانك
ان طابت النفس ثم اقفت مراكبها=أغلى الاماني بذاك اليوم غفرانك

اصايل معجب بهذا