في برّ وأبحار

[اللحالي]

يـا حـال مــن يـقـدر يعـبّـر بالأشـعـاروترمـي عـلـى مــا تهتـويـه السّهـمّـي

وأنت بزمـان اللـي يعشقـون الأسهـارالـلــي تـجــي نـومـاتـهـم بالـجـهـمّـي

حالي وأنا أبخص فيك بعشوق الأزهـارمــا قـلـت لـلـي مـسـدرك لارحـمّـي

أقـــول والله لـــو تخـيّـلـت الأنــهــارحبـر المحـابـر فــي بـطـون القلـمّـي

وتسـطـر الأحــرف بـتـدويـر فـرجــارماقـول غيـر أرثـاك فـي فصـد دمّــي

أرثـاك يـا حالـي بعـد مـوت ابـو ذعـاروالـلــي كـتـبـه الله بـأمــره يـتـمّــي

مـن مبتـدا هالكـون وحصـول الأقـداروالخـلـق تتفـاجـى بـالأمـر المـطـمّـي

وتـكـاثـر الأرواح فـــي بـــرّ وأبــحــاروالـمــوت لأرواح الـخـلايــق يـخـمّــي

ماجديت عن من عقبهم ذقت الأضرارأبـــوي وذراعـيــه عــمّــي وعــمّــي

بـقـي بفـكـري ذكـرهـم لــه تمـحـواروخالـي وأخـوي وروح الأسـعـاد أمّــي

واجدادنـا فـي واجـب الضّيـف والجـارنمـشـي عـلـى منهـاجـهـم بالمـتـمّـي

مـــن لابـــةٍ لا ردّوا الـشّــار لـلـشّـارتـطـلـع هقـاويـهـم لـفــوق القـمـمّـي

منهاجهـم فـي مـا شـرع سيـد الأبـراروأرواسـهـم تـزهـى بـلــفّ المـعـمّـي

الله أكـبــر يــــا تـذامـيــر الأحــــرارالـلـي بـشــرع الله جـيــاد الـذّمـمّـي

يــوم أتذكّـرهـم بسـجـعـات الأذكـــاريـنـفـجّ جــــرحٍ بالـضّـمـايـر مـلـمّــي

ثم تذرف الدّمعـه مـن أوهـاج الأعبـاروتلقـف لـهـا الـرّاحـه وتـنـزل لكـمّـي

ويصير لـي فـي سجّـة الفكـر مطيـارويبـعـد بمشـلاعـه وأصــارع سقـمّـي

يالله تعيـن اللـي علـى الفـقـد صـبّـارالـلـي بـعـض أوقــات فـكـره يغـمّـي

ليـا وصلتـه بعـض الرّسايـل بالأخـبـاريجـيـه بالـوتـسـاب بـعــض الـرّقـمّـي

عن موت من يحسـب مقامـه بمقـدارمـا هــو مـثـل راع المـقـام المـرمّـي

والـلــي بفـقـدانـه تـــراواه الأنــظــارمـا هـو مثـل مـن فقدتـه مــا تهـمّـي

وإلاّ الحميـدي فـي مواقيـف الأعسـاريفـزع ولا أحـدن لاحقـه فــي شتـمّـي

يـا كثـر مـن يمـدح جنابـه مـن أبشـاروابـــو ذعـــار بسـيـرتـه مسـتـهـمّـي

وأخـوك يابـو ذعــار وافــي بالأشـبـاروالـنّـعـم بمـحـمـد ولا بــــه مــذمّــي

سبـقّـك بالرّحـلـه وتـوثـيـق الأسـفــارذاك الأمـيـر الـلــي فـــدوه الهـلـمّـي

قـام بمكـانـه شـيـخ صنـديـد الأخـيـاربـنـدر عـسـى لــه بالجـزايـل همـمّـي

أنـتـم مــن شـيـوخ القبيـلـه بـالأذمـارومـأمّــر الشّـجـعـان فـيـهـم يــأمّــي

وإلاّ القبيـلـه كـلّـهـا شـــرّ الأسـطــارمـن مبتـدى مـن بالـدّمـاء يستحـمّـي

يـــوم اللهود مـعـشـشـاتٍ بــــالأزوارومنـهـن يـصـابـن الـــزّور بـالـزّرمّـي

الله يـرحــم مـــن تـــوارى بـالأقـبـارأواصـل الدّعـوات مــن فـيـض فـمّـي

ويعيـن مـن لا زالــوا أمــداد الأعـمـارالـكـل مـنـهـم عـــدّ وافـــر مـجـمّـي

مـن غيـر قاصـر فالقبـايـل بالأقـطـارأعـمّـهـم بـإجـمـاع مـانــي مـسـمّــي

الله يــخــلّــي لـلـشّـجـيـعـيـن الأذرارليـامـنّ مـــردوم الـزّهــوم ادلـهـمّـي

ماحـطّ فـي حظّـي تذامـيـم الأقـشـاروالخـلـق عـلـيـه الـصّــوادف تـعـمّـي

كـم قصّـةٍ يسـدل علـى نهوّهـا سـتـارمـاهـوب خـافـي مقـصـدي للفـهـمّـي

كم راح من دون الوطـن سـرّ وجهـارفــي حـاضـر الأوقــات وإلاّ القـدمّـي

يالله لـطـفـك بالصّغـيـريـن الأغــــرارالـلـي بـقــوا بـعــد الشّـهـيـد بيـتـمّـي

ويالله تنـجـي والـديـهـم مـــن الـنّــارواللـي قتلهـم فــي سعـيـر الجحـمّـي

السّوسـه اللـي فـي جماميـر الأجـذاروهـي مـع عـداء الأسـلام لـهـا ريـمّـي

لمعـادي الإسـلام فـي وصـف الأوكـارجـــروح مـــن ريحـانـهـا تسـتـشـمّـي

مـا يشتفـي مــن عولـجـات التدكـتـارولا يشفـي المشـمـوم ريــح الثّـومّـي

اللحالي الغيداني

سعد السمين ,همس الآيام ,اصايل معجبون بهذا

[اصايل]

رحمة الله عليه
وصح لسااانك وبيض الله وجهك
أحترامي وتقدبري

سعد السمين ,اللحالي الغيداني معجبون بهذا

[اللحالي]

امين واخوانه المسلمين

جزاك الله خير اصايل حرب

وصح الله بدنك يالاميره

سعد السمين معجب بهذا

[ابو مناحي]

صح لسانك واعتلا شانك
ابيات رائعه وجزله
بيض الله وجهك ولاهنــــت
ولك تحياتـــي وتقديـــري

سعد السمين ,اللحالي الغيداني معجبون بهذا

[اللحالي]

حياك يابو مناحي
تسلم ع الاشاده يالجزل
وماعليك زود يابن العم

سعد السمين معجب بهذا

[همس الآيام]

الله يرحمه ويتقبله راضي عنه ويرحم اموات المسلمين جميعا

صح لسانك وعلى شانك مبدع كعادتك

سعد السمين ,اللحالي الغيداني معجبون بهذا

[اللحالي]

جزاك الله خير يالاميره الله يسعدك

مشكوره همس الايام

سعد السمين معجب بهذا

[سعد السمين]

صح لسانك يابو سلطان
القصيده أكثر من رائعة
الله يعطيك العافيه وعادتك الجزاله
دمت بخير

اللحالي الغيداني معجب بهذا

[اللحالي]

وياك و ماعليك زود يشاعرنا

هلابك يابوتركي واشادتك اجزل تشريف منّك يالجزل