خله يولي

[اللحالي]

لي صاحبٍ غالي ولا ادري وش اللـي=خلاه من يمـي تغيـر ظنونـه
اليا عزمته مـا يشـرف محلـي=واليا بحثته في نقاشه خشونـه
وازريت من راع الغوج والتغلي=اما امدحه والا عطانـي متونـه
خلـه يولـي والمولـي مولـي=ما ينفع البايد لونـك تصونـه
مهف غرباً ما رجع يـوم دلـي=في راس حبلً ذايبـاتً منونـه
ابطا يلولح بالهوى يـوم تلـي=الغرب بأقصى البير و الجم دونه
ومهف طرشً عند الاجناب خلي=متكانفينـه بأربعيـن معنونـه
لقوه في وسـط المضامـي مفلـي=ما حال دونه من يعقـد ردونـه
ماني مطيعك يا رفيـق التسلـي=دور خروفاً تسحبه في قرونـه
‎ ‎‎ ‎ ‎ = ‎ ‎ ‎

ابن زويبن

اصايل معجب بهذا

[اصايل]

هههههه أفااا معصب الشاعر
أبيات جميلة
صح لسان الشاعر والناقل
ياعمي يسعدلي قلبك حتى بأختياراتك
تحب الهواش ^^
تحياتي وتقديري

[ابو مناحي]

صح لسان المبدع ابن زويبن
وسلمت يابو سلطان على النقل
بيض الله وجهك ولاهنــــت
ولك تحياتـــي وتقديـــري