تحدي في الشعر !! اخر حرف من البيت الشعر

[ترانيم حربيه]

فـي كل يوم نقول الأوضاع بتزين

و اثر الليالي جابت العيد ، ، فينا

ياما نثـرنا الدمـع من شـان غـالين

و ياما علئ بيض الدفاتر .. شكينا

اللحالي الغيداني ,اصايل معجبون بهذا

[اصايل]

اصبحت صبحي مصبح ٍفـي غراقـه
غالي غلاه اغلى على الارض مخلوق

فزيـت فـزت فايـز ٍ فـي سباقـه
فرحان فرحة فارح ٍ عجـل مطفـوق

صدقت صدقـه صـادق ٍ بالصداقـه
معاهده عهد ٍ عهد ..فيـه ماابـوق

ابو مناحي ,اللحالي الغيداني معجبون بهذا

[ترانيم حربيه]

قوي العزايم مايهمه كـلام الناس

يـسـوق الطموح لغايته لين يدركها

صحيح الهبوب تهب وتطير القرطاس

لاشك الجبال الراسيه ما تحركها

ابو مناحي ,اللحالي الغيداني معجبون بهذا

[ابو مناحي]

احب الطموح اللي مكانتها على القمه=طموحٍ يحققها قوي العزم لو يتعب
سهله على ناطح الصعبات ما تهمه=مع الجهد والهمه بحول الله ماتصعب

اصايل معجب بهذا

[اصايل]

برد الشتا عذركـ ، .. والايّام عذري !
______ عذري وعذركـ ، .. غير عن كلـ الاعذار

ماعاد بدري ، .. صدق ، .. ماعاد بدري "
______ بـ آعيدها [ أمرار , و أمرار , و أمرار ] ، !

ابو مناحي معجب بهذا

[ابو مناحي]

ربي كريم ولا خسر من ترجاه=بامره يحل العقد لاصار معقود
والوقت ماباقي معي غير ذكراه=عسى الليال البيض ماتنقلب سود

اصايل معجب بهذا

[ترانيم حربيه]

دندن وغنّ وخلها فلّة حْجاج

وجهة نظر لا تعتبرها نصيحه

مافيه ضيقه مالها طبّ وعلاج

شفني اداوي ضيقتي بالقريحه

ابو مناحي معجب بهذا

[اصايل]

هزي جذور ارواحنا يالاماكن

يمكن يطيح من التعب وجه الاحزان

مو مشكلة لو نزعج الحزن .. لكن

المشكلة لو يزعج الحزن الانسان

ابو مناحي معجب بهذا

[ابو مناحي]

ناخذ ونعطي بين مرٍ وحالي=ونفرح بطيفٍ للحبايب ليا مر
والطيب فينا من قديم الليالي=يالله عسى الافراح دايم تكرر

اصايل معجب بهذا

[اصايل]

رحلت / وإحسـاس التعبْ ماتجرّد
باقي صدى ذكرى / وتلويح راجـع .. !

ماشفت بـ أغصان الغلا صوت غرّد
لو كان / صوت البُعد بالصدر ساجع .. !


ضيعتني اخوي ابومناحي بين الموضوعين كلهم اخذت الحرف الاخير ^^

ابو مناحي معجب بهذا