شي لامنك عكسته طلع عكس

[ابو مناحي]

بسم الله الرحمن الرحيم
السلام عليكم ورحمة الله وبركاته
لغز على السريع وسهل
اتمنى ان ينال على إعجاب الجميع

ويش الذي لامن عكسته طلع عكس=واذا عكست العكس تصبح نظامي
ماكل عكسٍ يرسل حروفه الفكس=ولاكل من دور لعكسه حرامي

ولكم تحياتـــي وتقديـــري

اصايل معجب بهذا

[اصايل]

صح لسااااانك

طيب وش رايك بعكس الصوره ^^ببرنامج الرسام

او عكس الطريق

جبت العيد صح

اللحالي الغيداني ,ابو مناحي معجبون بهذا

[أيوب البلاجي]

صح لسانك يابومناحي
انا أتوقع ارقام الصرافه السريه اللي يحس بالخطر يعكسهاوترسل رسالة استغاثه واذاعكست العكس ترجع صحيحه..

اللحالي الغيداني ,ابو مناحي ,اصايل معجبون بهذا

[ابو مناحي]

المشاركة الأصلية كتبت بواسطة اصايل

صح لسااااانك

طيب وش رايك بعكس الصوره ^^ببرنامج الرسام

او عكس الطريق

جبت العيد صح

حياك الله يا أصايل
وصح الله بدنك
وتطمني ترى ماجبتي العيد صح
لأنك جبتي الحل صح
صح لسااااااااااااانك
الحل عكس الطريق

ويش الذي لامن عكسته طلع عكس
الطريق اذا عكسته يسمى عكس
واذا عكست العكس تصبح نظامـي
يعني عكس الطريق ماهو عكسه ؟؟
عكسه يكون الاتجاه الصحيح وبهذه الحاله تكون نظامي
صح لسانك يا اصايل وشكلك سواقه
ولك تحياتـــي وتقديـــري

اللحالي الغيداني ,اصايل معجبون بهذا

[ابو مناحي]

المشاركة الأصلية كتبت بواسطة أيوب

صح لسانك يابومناحي
انا أتوقع ارقام الصرافه السريه اللي يحس بالخطر يعكسهاوترسل رسالة استغاثه واذاعكست العكس ترجع صحيحه..

حياك الله اخوي ايوب
وصح الله بدنك
ومشكور على مرورك
والحل عكس الطريق
بيض الله وجهك ولاهنــــت
ولك تحياتـــي وتقديـــري

اللحالي الغيداني معجب بهذا

[اصايل]

ياسلاااااااام

حليت اللغز

اللحالي الغيداني معجب بهذا

[ترانيم حربيه]

ماشاء الله مبروووك اصايل صايرة خبيرة بالحلول

يالبااا قلبك

[ترانيم حربيه]

يسلموووو ابو مناحي على اللغز الحلو

بس خسارة ماشفته مدري متى تحطون الالغاز اذا جيت

المنتدى فاضي واذا رحت جت الالغاز ههههههههههههههههههههه