|
|
08-11-2015, 03:12 AM
|
#1 |
|
مالك الموقع
تاريخ التسجيل: May 2014
المشاركات: 6,563
|
أبو دباس
وأسعد الله مساكم جميعا بكل خير محمد أبو دباس من أهل (بلدة العودة) من بلدان سدير في نجد ضاقت به الدنيا ذرعا بعد رحيل ابنه دباس طلبا للرزق فقد طالت غربة دباس لأكثر من ثمان سنوات عانى خلالها والده الكثير من مضايقات قومه واعتدائهم عليه بالأقوال والأفعال حيث قالوا فيه ما يندى له الجبين ويمس الكرامة وقطعوا الماء عن نخيله فأصبح يعاني الأمرين غياب ابنه وساعده الأيمن والذل والاحتقار في دياره، فأخذ يتجنب الناس وحديثهم وعاش وحيدا منغلقا على نفسه، فنصحه أحد أصدقائه بأن يرسل إلى ابنه دباس ليعود بسرعة ويرى ما وصلت إليه الحال فكتب محمد هذه القصيدة وأرسلها مع أحدهم للديار التي يعمل بها دباس وقد اختلف الرواة في تحديد تلك البلاد فمنهم من قال أنه كان في العراق ومنهم من قال في ايران ومنهم من قال في عمان والقصيدة كالتالي :
يا ونةٍ ونيتهـا مـن خـوى الـراس=من لاهـبٍ بالكبـد مثـل السعيـره ونين من رجله غـدت تقـل مقـواس=ويوّن تالـي الليـل يشكـي الجبيـره ويا حمس قلبي حمس بـنٍ بمحمـاس=ويا هشـم حالـي هشمهـا بالنجيـره ويا وجد حالي يا ملا وجـد غـرّاس=يوم اثمرت واشفا صفـى عنـه بيـره على ثمر قلبـي سـرا هجعـة النـاس=متنحـرٍ دربٍ عسـى فيـه خـيـره الله يفكـه مـن بـلا سـو الاتعـاس=ومن شـرّ عبثـات الليالـي يجيـره فى ديـرةٍ تقطّعـت عنـه الارمـاس=سبعيـن يـومٍ للركـايـب مسـيـره لا والله إلاّحـال مـن دونـه اليـاس=حـط البحـر والبـر دون الجزيـره يالله ياللـي ردّ مـن عقـب ما يـاس=يوسف على يعقوب وابصـر نظيـره ترد على دباس يا محصـي النـاس=يا عالـمٍ مـا بالخـفـا والسـريـره يا دباس أنا بوصيك عن درب الادناس=ترى الـذي مثلـك يناظـر مسيـره عليك بالتّقوى تـرى العـز يا دبـاس=فى طاعة اللـي مـا ينجيـك غيـره هاذي ثمان سنين من رحـت يا دبـاس=لا رسالـةٍ جتنـي ولا مـن بريـره يا دباس من عقبك ترى البال محتـاس=وعليك دمـع العيـن حـرّق نظيـره وعليك كنى فى دجـا الليـل حـراس=أصبح على حيلـي وعينـي سهيـره أصبح انا مابين طـاري وهوجـاس=وطـواري تطـري علينـا كثـيـره مثل الوحش قلبي على كـفّ حبـاس=يكفخ كمـا طيـرٍ اسبوقـه قصيـره متحيرٍ من عيلـه البيـت يـا دبـاس=ارجى ثـواب الله وأخـشى المعيـره أخاف من حكي العداء ثـم الانجـاس=أهـل الحكايـا الطايلـه والقصيـره ويقال خلا عيلته عـنّـز الـراس=أقفـى وخـلى عيلـةٍ لـه صغـيـره والا فأنا يا بـوك قطّـاع الارمـاس=مانيب مثبـورٍ أو رجلـي كسيـره آصلك لو دونك نبا حمـر الاطعـاس=الصلـب والصمـان دروب عسيـره مهالـك مـدارك مـا بهـا أونـاس=ألا الثعـل والبـوم تسمـع صفيـره لو كنت فى نزوى وديرة بنـي يـاس=أهـل المـوازر والوجيـه الغبيـره عبّـادة الاصنـام شرّابـة الـكـاس=الخمـر والتنبـاك فيهـا وغـيـره لركب على وجنا من الهجن عرماس=فجا النحـر يا دبـاس حمـرا ظهيـره متروسة الفخذيـن مزبـورة الـراس=كن الخلاص عيونهـا يـوم أديـره أو شبـه ربـدانن تخـفّـق للأونـاس=وان رفّعـت جنحانـهـا مستـذيـره تنشر من العوده على نـور الانفـاس=عند الفجـر والليـل مقفـي مريـره والعصر بالصمان تسمع لها اضراس=حبل الرسـن خطـرٍ تبتـر جريـره ونهـار ثالـث بيـن حمـا والاوراس=وواره يمينـك جعلهـا لـك سفـيـره ثـم أركـب بساجيـةٍ تقلـب الـراس=تمشي بأهلها فـى البحـور الغزيـره إلى مسقط الفيحاء بها الخير محتـاس=لولا الكفـر والشـرك واوي ديـره عزّ الله انها ديرةٍ مالها أجناس=لولا بها يعبد مع الله غيره لولا بها يشرك عليٍ وعباس=وأيضا بها الفاروق سبّه بريره فيها الطبيخ وراهي الخبـز يا دبـاس=يقعد خـوى الـراس خنـة خميـره هى ديرة اللي باغـيٍ كيفـة الـراس=ولا له أحد همه مـن النـاس غيـره هيسٍ ولد هيسٍ للمواعين لحّـاس=يفـرح إلـى نيـدي لذبـح النحيـره وماقفك ذا يا دباس مـا فيـه نومـاس=يصلـح لقيـنٍ مهنتـه طـق زيـره ترى الفداوي دون وانشد الناس=راعيـه مـا يذكـر بمدحٍ وغيـره ماله سوى طق الحنك منـه واليـاس=وليا انقطع خرجه فـلا لـه ذخيـره طلب المعيشه بالحراثـه والاجنـاس=المشترى والبيـع يوصـف وغيـره قم انهض العيرات مـع كـل فـرّاس=يـا دبـاس دوّر خـيّـر تستشـيـره جدك وعمانـك هـل العـز والبـاس=أهـل اللـوازم مكمليـن القصيـره يا دباس ما يصبر على البق والحـاس=ألا الـذي مالـه بنـجـدٍ عشـيـره واليوم يا مـروي شبـا كـل عبـاس=أنـت الرجا يـا كعام وجه المغـيـره عشرين عامٍ كلها أرجيك يـا دبـاس=مثـل الغريـر اللـي تولـع بطيـره عدل المناكـب هيلـعٍ فـرخ قرنـاس=يمناه فـى لطـم الحبـاري شطيـره عانق خلوجٍ روّحت عقـب مـرواس=عنـد العصيـر لبيضهـا مستذيـره والليل جاه وحال من دونهـا اليـاس=روحه علـى فرقـاه فـرت فريـره يا دباس أنـا يابـوك مانيـب بـللاس=ميـر ان عيـلات الرفاقـه كثـيـره جنبت وسط السوق وامشي مع الساس=وأخذ شوي الحـق واتـرك كثيـره يا دباس لو جبت من دحب الاكياس=مختلفـةٍ مــا بـيـن رزٍ ونـيـره مالـي بهـا يا جعلـها بألـف قبـاس=أو جعلهـا تذهـب ولـو هـي كثيـره يا دباس قلبي كل مـا هـب نسنـاس=شرقيـةٍ هبـت بقلـبـي سعـيـره والحال يا فرز الوغى مسّهـا البـاس=عليـك يـا ناطح وجيـه المغيـره وغصون قلبي يا فتى الجـود يبّـاس=غادٍ أنـا يابـوك كنـي هشيـره مـن شافنـي يقـول ذا فيـه لسّـاس=واللـي بـرى حالـي إلهـي خبيـره لا وعلا من قبـل غـوّال الانفـاس=ومفـارق الدنيـا يجينـا بشـيـره عسى يطق البـاب والنـاس غطـاس=يا والـي القـدرة عليـك اتعبـيـره وصلاة ربـي عـد ماهـب نسنـاس=على النبـي عـدة حقـوق المطيـره وتذكر بعض الروايات أنه بعد مدة قصيرة وفي وقت طلوع الفجر ذات يوم شاهدت ابنة محمد الماء يتدفق في نخل أبيها بعد انقطاعه إلا أنها لاحظت بعض الاحمرار في الماء فذهبت لتخبر والدها الذي صاح فرحا وهو يردد لقد عاد دباس وما هذا الاحمرار إلا دم من أهانوني في غيابه ، وبالفعل صدق حدس الوالد بقدوم دباس وظنه الذي لم يخب في ولده ، فقرت عينه وانزاح همه بوجود ابنه وساعده الأيمن ، وإليكم قصيدة الابن دباس التي أرسلها لوالده قبل قدومه
حي الجواب اللي لفانـا مـن الـراس=جابـه غـلامٍ مـا توانـى مسيـره اهـلا هلا عداد مـا حبـك قرطـاس=أومـا كتـب فوقـه بيـوتٍ شطيـره جواب منهو لي مـودٍ مـن النـاس=ابوى مـا يوصـف حلـيٍ لغيـره فرز الوغى كنه على الوكر قرنـاس=قـروم ربعـه كلهـا تستشـيـره دليل عيـراتٍ ليا هـب نسنـاس=ثـم ادلهـم الجـو ومابـه ذخـيـره مهفي الغنم لاهل الركايـب والأفـراس=لا روحوا فلا عليهـم قصيـره راعي معاميلٍ بهـا العبـد جـلاس=للبن يشـري بالسنيـن العسيـره هاذي بمركاها وهاذي بمحمـاس=وهاذي يصبـه للوجيـه السفيـره وخلاف ذا يا راكـبٍ فـوق عرمـاس=مامونةٍ من نقـوة الهجـن عيـره حمرا وهي فى سنها وقـم الاسـداس=متوسطه لا فاطر ولا صغيـره ماهي لحوحٍ راكبه بالعصـا قـاس=حرّم عليهـا غيـر شيـل النقيـره والخرج هو وبيـوت قيـلٍ بقرطـاس=مـع مزهـب الأيـام ما هـي كثيـره وفوقه غلامٍ منـوته قطـع الارمـاس=لـو هـو بليـلٍ ما تغيـر نظيـره وليا لفيت الدار فاجهر بالاحسـاس=وبلغ سلامـي كـل ذيـك العشيـره واختص ابوي اللي نفل جملة النـاس=وخصّه بعلمٍ وقـل ترانـي بشيـره لا يا نقى العـرض يا بـوي لابـاس=ان كان تشكـي الضيـم فأنـا اسيـره وان سايلك عنـي ترانـي بنومـاس=وأنا أحمد اللي مـا توسلـت غيـره الحمد لو يشـرى شرينـاه بأكيـاس=بأموالنـا نرخـص نـدوّر الستيـره مطرق فنرجـيٍ مضاريبـه الـراس=ومصلبـخٍ جبتـه عسانـى ذخيـره من صنع نصرانيٍ مشـروبه الكـاس=يذكر ورى جـاوه بعيـدٍ مسيـره أبغيـه للـي حادّينـك علـى السـاس=اهـل النمايـم والحكايـا الكثـيـره ربعٍ نـووا فيـك الـردى والتّخسّـاس=مهبول ياللي قـال غايـبٍ عشيـره علي ديـنٍ لأودع الجمـع ينحـاس=لين العشيـر يقـوم يلعـن عشيـره يا بوي انا ما رحت لكيفت الراس=مع ذا ولانـي فـى سفـاهٍ أوغيـره أما سكنا الدار مـن غيـر هوجـاس=وألا نعـاف الـدار وندوّر غـيـره كلـه لعينـا كلمـةٍ قلـت يا دبـاس=تشكي وأنا دونـي بحـورٍ غريـزه خذ لك يمين الشرع قطـاّع الأنفـاس=انه فـلا جتنـي علـومٍ بصيـره لانايدن جانـي ولا حبـر بقرطـاس=ايضـا ولا جتنـي علـومٍ سفيـره ان كان تشكي الضيق يا بوي لاباس=جاك الفرج يا بـوي هـو والبريـره وإلا فأنا يـا بـوي قطـاع الأرمـاس=اصبر على الشدة ولو هـي عسيـره يا مسندي يا بوي شف اوكد النـاس=ثم أنشده قل ويـش هو في مسيـره ان كان ما يفرح صديقـك بنومـاس=تحرم علينا اللي نهـوده صغيـره مدلول مجمـول زها زين الالبـاس=بنت الذي يثني ليا جـت كسيره طارٍ يقول اظهـر وطـار بجـلاس=قمت اشرب التنبـاك واثـره نكيـره ابغى عسى الله يبرد القلب يا نـاس=من لاهـبٍ شبـت بقلبـي سعيـره ومن كان له غايبٍ فلا يقطع اليـاس=ان قدّر الله جـاب علمـه بشيـره
__________________
لا إله إلا أنت سبحانك إنّي كنت من الظّالمين |
|
|
|
08-11-2015, 03:24 AM
|
#2 |
|
إدارة عامّة
تاريخ التسجيل: Jul 2014
المشاركات: 5,325
|
يا الله رووووعه ياعمي جزاع القصه والابيات مؤثره بس الناس ماتخاف ربي الله يعطيك العاااافيه ع مواضيعك الراااائعه أحترامي
__________________
 |
|
|
|
|
08-11-2015, 04:01 AM
|
#3 |
|
مالك الموقع
تاريخ التسجيل: May 2014
المشاركات: 6,563
|
نعم نعم كما قلتي الله يكفيناشر قليلين خوف الله نعم من زمان ابحث عن هالقصايد وقصتهن وألقاء ولكن أجد فيهن اخطى ونقص واغلاط ومواصل البحث والنشود إلين توصّلت لماترون كلّ ذالك لكون القصايد تحكي عن احوال اصحابها في وقتهم اردت أوجدها هنا لقيمتها التاريخيّه ؟ حيث جاء في قصيدة ابودباس ؛ سبّ الفاروق يدلّ على ايران وجاء ذكر جاوى وهذي بأندنوسيا اللي طلب دباس منها الفرنجي وجاء ذكر الساجيّه وهي السفينه فلو كان العراق او عمان مأحتاج للسفيه للجميع تحياتي وتقديري
__________________
لا إله إلا أنت سبحانك إنّي كنت من الظّالمين |
|
|
|
|
08-11-2015, 04:07 AM
|
#4 |
|
إدارة عامّة
تاريخ التسجيل: Jul 2014
المشاركات: 5,325
|
مجهود رائع منك ياطويل العمر الله يعطيك الصحه والعافيه
__________________
|
|
|
|
|
08-11-2015, 07:57 PM
|
#5 |
|
إدارة عامّة
تاريخ التسجيل: Sep 2014
المشاركات: 1,852
|
وسلمت يداك على النقل المميز والجزل والقصه صحيحه والابيات صحيحه كما وردني وعلاوة على ذلك كانت ابله ماترد الا بعد مايصدر القوم وكان لايرفع عمد المجلس ولايوقد النار ولك تحياتـــي وتقديـــري 
__________________
 |
|
|
|
|
08-11-2015, 11:51 PM
|
#6 |
|
مالك الموقع
تاريخ التسجيل: May 2014
المشاركات: 6,563
|
منّك يالجزل و زيادة المعلومات نعم سمعت من الرّواة انّه عانا الكثير حتّى جاء الفرج من الله ثم من ابنه مشكور مديرنا الغالي
__________________
لا إله إلا أنت سبحانك إنّي كنت من الظّالمين |
|
|
|
 |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
العرض المتطور
