قولٍ سمعته

[اللحالي]

قولٍ سمـعـته - شوق النفس- مبداه
حي الكلام - وحي - من قيل مرزوق

كلام - من وجـدان - شاعر سمـعناه
ونويت أعلّق لي مع الحثل - معلوق

مــرزوق يسـتشهـد بنا- لا - عـدمـناه
على الكلام اللي من الطيب -مسيوق

وأشـار لـلـمـاضـي و لـو- مـاتـقـصّـاه
لاشك جـاء مـن يـمّـه العـلم -ماثـوق

وأخـذت مـن قـوله صـوابه و مـعـناه
وأجبت لو أني على القـول مـسـبـوق

يـانـور. ياللي. قـبـلي الـحـثـل - نـاده
يـانـور يوم أسـمـك من النور مشقوق

يـاطـيـبٍ من مـاكره - طـاب مـجـنـاه
مـتـبـينٍ للـطّـيب- في رأس شـاهـوق

بـلّـغ - ثـنـانـا - كـل. شـهـمٍ - عـرفناه
من أيّ القبايل -كل طـيّب له حـقـوق

وخـص -الـرّجال اللي كـرمـهم لمسناه
و تـعـاونـوا -مـعـنـا - بنيّه و مـنـطـوق

يـوم ان مـهـدي كل مـن جـاه يـنـخـاه
ابنه -سجين -وخـافـقه تـقـل مـأسـوق

تـقـديـر لظـروفـه مـن الـبـعـد جـيـنـاه
من نجد -سايقـنا الوفاء يـمـكم -سـوق

جـينا - لحقٍ خـصّــنـا -مـا أعـتـرضـناه
وقـمـنـا مـقـامٍ بـأهـل الشـيـمه.. أيلوق

قمنا - المـقـام - اللي القـبـيـله-- تـمـناه
مقام يمـلاء النفـس بالفـخـر و الشـوق

بـجـمـعٍ عـلـى أقـطــابه- تيمم بممشاه
دار الامـيـر اللي - لـهـالـخـاطـر يـتـوق

ذاك الامـيـر اللي أكـثـر الناس تـنـصـاه
اللي حوى الـمـعروف والـعرف والذوق

خـالـد - الـيـا -رِدّ -أول -الـعـلـم لأـتـلاه
لـه مـوقـفٍ - مـايـاقـفـه -كل مـرهـوق

مـلاذ -مـن كـبـرت - بـوجـهـه -قـضـيـاه
مـن دونـهــا يــروي شــبـا كـل. مـذلـوق

يـوم أخـفـقت كل الـمـسـاعـي نـصـيـناه
بقـضـيـةٍ - مـا يـضـمـهـا - كل صـنــدوق

يـانـور - كـلن - دون - حـقّـه - و صـايـاه
والناس مـثـل الناس لـو بـيـنـهـا أفـروق

و الـدّيـن و الـدّنـيـا - شـريـعـة. مساواه
لا شـك- كـلٍ لـه - تـقـالـيـد - و أطـروق

خـصّ ابن بـتـلاء -بالسـلام و تـقـصـاه
اللي خـذا طـيـبـه -تـجـاريـب وأعـموق

قـل - يـاحـمـس - مـسـيـاركم مانسيناه
لاشك -دون أحقـوقـكم -حالـت حقـوق

ربعٍ - مجمعـهـم - - لـهـم - مـاحـمـلـنـاه
من الشمـال -و من شفـا نجد وأشـروق

يوم - أنّي - اوسطهم -مـكانه ومـلـجـاه
لو غبت عنهم -صرت مخطي ومحقوق

وإلّا انـت مـاقـصـرت يـامـعـرّب. الـجـاه
وخـصّـيـتـنا عـسـاه مـايـخـصـك العـوق

وابن - مريخـان - الحـمـيـده -سـجـايـاه
ضـيـف الله اللي له مـع الطـيـب طاروق

مـن فـطـرتـه والا هـاك- الـعــود.. وصّـاه
مـاجـاك مـن يـمـه ذراء الـبيت مـفـتوق

وخـصّ - ابن راضـي - بالـثنا - لا تـعـداه
ذاك الرفـيق اللي من الطـيـب - مـرفوق

مـن يـوم - جـيـنـا - مـالك الله فـقـدناه
هـاك الـقـبـال اللي بـعـيـدن عـن.البـوق

وخـصّ البقـمـي - اللي كريمٍ - مـحـياه
عطه الثنا من عـنـدنا -الطّـاق مطـبـوق

ثامر- تليد المـجـد يـشـكر - بـمـسـعـاه
تـسـعـيـن نـعـمٍ - في مـذاخـير- مرزوق

لـه مـوقـفٍ - يـرفـع - مـقـامـه ويـزهـاه
دون الصديـق - اللي من الوقت مزنوق

وربـعٍ - لـنـا يــمّ - الـجـنـوب وقــرايــاه
حـروبٍ بـمـيـدان -الكرامـه لـهـم سـوق

تـصـدروا - هــمّ - الـقـضـيـه - بـمـبـداه
أهـل صـدر - ماحقـهم بـالـوفـاء لـحوق

نعم - الرّجال -اللي على -حقوقنا عصاه
لـيــا صـارت الدنيا ملازيـم -و احـقـوق

قـامـوا - مـقـامٍ يـرفـع الـرّاس.. طـريـاه
واظـفـوا عـلـيـنا من جميل -الكرم طوق

مـا أقـدر -أخـصّ فـلان و افـلان حـلياه
ويـصـيـر في قـولي مـداخـيل وأفـتـوق

يـانـور -- لـنـا - -مـعـجـزاتٍ - - مـســمـاه
و من دوحة الشيمه لنا فـروع -وأعـذوق

الـطّـيـب - لـنـا- فـيـه - جـلّـه - و عـلـيـاه
مـاطـيـبـنـا - هـرجـة - بـلاعـيم - وحلوق

الـجـار - عـن- مـيـلات - - الايـام - نـدراه
شـف- قـصـة البشري- بها- العـلم موثوق

كن - المهادي - شـق- لـه- مـن - مـزايـاه
لولا الـخبر - مـعـروف- تـقـول- مسـروق

تشابهت - قصة - هل- الحـلـم - والـجـاه
قصـه - مثل - قـصـه و قـايـع ومنطـوق

بسّ الـمـهـادي جار - جـاره على - انساه
و هذا سبب خطله من يدين -مـطـفـوق

جـارٍ غريب وشـاف له ظـبـي -وأخطاه
وأصاب - جاره - جـعـل يـمـنـاه للعـوق

وزبن على الـبـشـري و خـصـه - ببلـواه
قـدّام - لا يدري - عـن الـعـلـم- مخلوق

و قـام الامـيـر اللي أبيض العلم ينصاه
ونادى على ربعه وقال اجـمـعـواسـوق

ويوم أجمعوا خمسين وضـحٍ مـحـنـاه
رفـع بـرأة الجـار في راس - صـعـفـوق

وأبو - القتيل - أظفا على الجار حسناه
واعـاد- لربـعـه ماجـمعوا - له من النوق

و نـويـشـي اللي خـلّد- الـوقـت- ذكراه
له مـركزٍ- في قـمـة- الـمـجـد- مـرموق

راع - الـنـقـا - زاح - الـمـلامـه - بيمناه
دون الخـوي مايـلـحـقـه كل.مـلحـوق

قصّ أربـعـة وأثـنـيـن والـسـابع .اعياه
بقطع اليمين اللي على الجنب مطروق

ودخـيـل له جـار عـلى الهـجن خـاواه
في غـزوةٍ لامـن سـلامـه ولا - وفـوق

الضّـيغـمي ســلّط عـلـيـهـم - سـرايـاه
وشـبـك -حـرارٍ مـابـسـيـقـانـها أسبوق

وقـال الـبــلالـي ذا خـويي وأنـافـداه
مـوتـي بـعـز ولا حـكـي - كـل- زاروق

هذا - اجــنــبـي وأمّـه -ورانـا تـحـراه
مودعـتني وأوسـط الـجوف مـحروق

وخــلـف ربـيـع الـلـي هـزالٍ مـطـايـاه
بنا - لنا بـيـتٍ مـن الـمـجـد - مـنـتـوق

لـه بـالـكـرم - ذمّـه و قـمّـه - و مـثـنـاه
وله به مقاضـب - سـيف بيدين فاروق

ويوم - السنين اللي -ماتذبح بها الشّـاه
مخـيمر المطلق قراء الضـيف بـالـنـوق

ذبح مـعـواده ولف غربه -عـلى أرشــاه
ولا ضـيّعـه من يـرزق الـخـلق من فوق

و أبالشيم - حـجـرف - قليله - حـلايـاه
أظنّ - مـاسـوّى - - سـوايـاه - مـخـلوق

له بالكرم - مشـوار - ماتِلـحـق أخـطـاه
ومـالٍ يطب أمـراح -أبـو زيد -ممحوق

هـاذي نـمـاذج مـن شـيـمـنـا- الـمـزكاه
يـشـهـد بـهـا عـاتق على اخوه معتوق

و اللي نوانا - بنية - الخـيـر - يــلـقـاه
و عدونا - عينه لها -الشّب مـسـحوق

و اليا - تـحـدّانا - خـصيـمٍ - قـصـيـناه
عقب السـعـه -يصير في مذهبه ضوق

يوم - القبايل - سـلم - المـجـد تـرقـاه
مايـعـترضـنـا - دون - مـرقـاه -خـازوق

عسى السحاب اللي يغيث -الوطن ماه
اللي - عـراقيـبـه - بـهـا أرعـود وأبـروق

اللي - اليا منّه - ضـرب - واديٍ- أسـقـاه
نوٍّ من - الوسمي - على نـجـد مـدفـوق

يظفي على دخنه الى أطراف الأقـفــاه
وما ترفع أغباشه الى أطراف سـاحوق

دارٍ - لـنـا - بـيـن - الـقـبـايـل - مـحـلاه
مـاجت عـطـا جتـنـا ثمن سردوأعروق

يـوم - أن كـلٍ - دون حـدّه - بـشـلـفـاه
وأرمـاح - تـثـنـى بـيـن زارق و مزروق

الله - من خصيمٍ - بغـاهـا -و لـطـمـنـاه
لطم المحيم اللي عن الحوض مصفوق

عدونا - اليا - أشـتدّ - عـوده - كـسـرناه
ويرجع معيف وهوعلى الخشم مطقوق

يـومٍ - لـنـا - و يـومٍ -عـلـيـنـا- خـطـايـاه
وأيام بلواهاشكى ظيمهاصفوق لصفوق

و ضاري - و أبو تايه -وسحلي و جهجاه
غـيـر - الثقيل - اللي نـزل نجد من فـوق

اللي - عـبـر - نجدٍ - جـفــيـلٍ -- رعـايـاه
مـاتـقـل يلقى في شـفــا نجـد- زمـلـوق

كـنّ - الـذّيـابـه - عـن -مـشاهيه - تنحاه
الـيـا مـا تـعـدى رجـم هدبـان والـطـوق

هـذا - الـكـلام - اللي - -عـليه- - المثاناه
بـالـحـق - مـانداري - أعـدانا - ولانـبوق

قـبـيـلـةٍ -- لـنـا -- مـحـبـيـن -- و أعـداه
يجـبر - بنا خـاطـر و يـسـهـر بـنـا مـوق


محمد عبدالله العسيلي الله يرحمه واخوانه المسلمين



بهذه القصيده الذي تعدّ من اجزل القصايد في نظري بمفرداتها الذّهبيه

دحمان-الحاج ,اصايل ,معيض الضعيني معجبون بهذا

[معيض الضعيني]

صح السانك الشاعر. محمد العسيلي وتغمده الله بواسع رحمته
وسلم نقلك أبو سلطان

اللحالي معجب بهذا

[اللحالي]

الله يسلمك يابو وليد
جزاك الله خير يالغالي

[اصايل]

رااااائعه
سلمت يمناك

اللحالي معجب بهذا

[اللحالي]

الله يسلمك اصايل حرب

مشكوره ي الاميره ع المرور العطر

تحياتي للجميع