|
![]() |
#1 |
عضو مُشاركة
تاريخ التسجيل: Sep 2014
المشاركات: 2,693
|
![]() وعشقها وعشقته لاكن معروف ان الحياه الحلوه لازم يخربها شي وهذا قدر الله .. . . اللي صار ان القبيلتين صارت بينهم مشكله وكبرت المشكله واخوان البنت طرف بالمشكله وزوج البنت طرف بالمشكله بعد . . . قررو الاخوان انهم يقهرون نسيبهم وتسللو على البيت تالي الليل وخذو اختهم بالقوه وهي مهي راضيه .. ومرت سنه وهم حاجزينها عندهم والرجال اشتاق لحرمته وعشيقته ..!' . . قرر يقابلها ويشوفها لو ليله وفعلاً ارسل له عجوز للبنت وقال لها تقول لزوجته اذا سمعت ثلاث صيحات للذيب تراه انا تعالي باخر العرب .. وجا الموعد المحدد وغاب القمر وصاح زوجها ثلاث صيحات كأنه ذيب واقبلت زوجته على الصوت وقابلها وسهرو لين طلع الفجر ثم مشا ورجعت هي لبيت اخوانها ..!! . . قدر الله من هاللقا ان الزوجه تحمل ويكبر بطنها واخوانها شاهت وجوههم واغتاضو وجلسو يحققون مع اختهم وشلون انتي حامل ولك مده طويله عندنا وجبناك من زوجك وانتي مو حامل !! وشلون حملتي الحين منو اللي جاك ..!! فاقسمت انه زوجها وعلمت اخوانها كيف جاها مجبوره عشان تحمي نفسها من الموت ..!! . . الاخوان قررو يتأكدون من كلام اختهم وقال اصغرهم وهو شاعر وفطين .. انا اتأكد وعندي طريقتي .. . . راح لقبيله نسيبهم وجلس بمجلس الشيخ وهو متنكر وغير معروف واخذ الربابه بعد ماشاف نسيبهم جالس بالمجلس وبدا يقصد ويقول : . . . ياذيب ياللي تالي الليل جريت **** ثلاث عـــوياتٍ قـــويات وصــلاب ادخل على الله بعدهن ويش سويت **** يوم الثريا كاهبت والقمر غاب لم يفهم المجلس قصيدة الغريب لاكن نسيبهم فهم انه هو المقصود بالابيات وفهم ان زوجته وحبيبته حملت من ذيك الليله وعلى طول من فطنته وذكائه سحب الربابه وقال : . . . انا اشهد اني من قراكم تعشيت **** واخذت شاة البيت من بين الأطناب على النقى وإلا الردى ما تهقويت **** ردو نسبنا يا عريبين الأنساب . . . فهم الاخ رد النسيب وسحب نفسه مباشره بعد ان فرح بهذا الكلام والرد وبرائه أخته وفي صباح اليوم الثاني اعادو اختهم الى زوجها ... . . أتمنى من الله أنها اعجبتكم هالقصه |
![]() |
![]() |
![]() |
#2 |
مالك الموقع
تاريخ التسجيل: May 2014
المشاركات: 6,533
|
![]() الله يعيك العافيه يابنتي ؟ واقول وشرايك عنّي انا اليوم لوتوّي متعشّي ؛همّقعقع قصدي همبرقر يعني عصيدة ذره مع شوفان هل انا ابي افهم مثل هالدلاشاء هههههههههههه (والله مشكوره عالقصه وابياتها)
__________________
لا إله إلا أنت سبحانك إنّي كنت من الظّالمين |
![]() |
![]() |
![]() |
#3 |
عضو مُشاركة
تاريخ التسجيل: Sep 2014
المشاركات: 2,693
|
![]() وربي يعافيك ويطول بعمرك ويسعدك دنيا واخره ومن اللي سامح لك تاكل همبرقر حنا وش قلنا العشاء شوربه او زبادي ماشاءالله عليك انت تفهم اللي ماراح اقول لاتقول نحتتني الحربيه ههههههههههههه |
![]() |
![]() |
![]() |
#4 | |
مالك الموقع
تاريخ التسجيل: May 2014
المشاركات: 6,533
|
![]() اقتباس:
ههههههههههههههههههههه عوّدنا على ياطير ياللي ههههههههههههههههههههههههه أمّا النحاته جازم مانتي ناحتتني اللي يذكر الله ماينحت احد يابنتي وبعدين وشهوليه اللهم لك الحمد شيبون ولابالقرش الاوّل لكن انتم تدورون ماعند الله وان شاء الله انكم على اجر (ولاتغفلون)
__________________
لا إله إلا أنت سبحانك إنّي كنت من الظّالمين |
|
![]() |
![]() |
![]() |
الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
تقنية جديدة فى عالم التعليم : تطبيق مجانى لتعلم الانجليزية | مها احمد محمد | المواضيع العامة | 1 | 11-06-2014 12:26 AM |
سنه جديدة عساها خير | معيض الضعيني | روائع الكسرة | 2 | 11-01-2014 03:30 PM |