|
![]() |
#1 |
مالك الموقع
تاريخ التسجيل: May 2014
المشاركات: 6,537
|
![]() وبله - من الجنة -وبرقـه مـن النـار يبـرق - ويرعـد - والهبايـب تقـوده و بقدرة المولى - معـه عـج وغبـار وجّه - على ضلـعً - عسيـره حيـوده ضلعً - على الدنيـا و الأيـام صبـار ضلعً على الراقي - عسيـرً سنـوده شامخ شموخ طويق ودقس وسنجار لديت يمّـه قمـت أخايـل - حـدوده لكـنّ - يابعـده - و ياقـرب الأنظـار وأبغي فحيمان - الحجـوري يـروده و يجيب عن وقع المطر كل الأخبار لاصار- يعرف نقص علمـي وزوده اشره عليه ولا نبـي منـه معـذار أصلّ الخيال و خايلـه يابـن عـوده وليا ثبت بانشدك عن بعض الأسرار أسرار عن جملة رمـوز - معـدوده شرقً وغرب وفوق ويمين ويسـار من ضمنها بيـتٍ طويـلً - عمـوده يسلم به السالم ويوخـذ بـه الثـأر وفي ربعته - عودً متينـه عضـوده عساه دايم مـن طويليـن الأعمـار ومن ضمنهـا عـدً - تزاحـم وروده عيهل - ولا له غير مارد ومصـدار ومن ضمنها قرية كريـم محسـوده في وسطها بيتين ماجتهـا ألانـوار ومن ضمنها رجال يشعـب قعـوده يمسي بدار ويصبح الصبح فـي دار وقت الرخـا دايـم - تقـادح زنـوده و تضيع - هقواته ليـا صارماصـار و من ضمنها زرعً قديمـه عهـوده بين الثريا والثرى نسـل الأشجـار ياطيب - مزرعته و ياطيـب عـوده من عهد - سيدنا محمـد و الأنصـار و،الرجل ما يصعب عليـه ويكـوده الا السوالف مع ضعيفين الابصـار و انته - ولـد حـرً عريبـه جـدوده عندك ولك شيمه وحشمـه ومقـدار والشعر في مجنـاه تقطـف وروده عاقل ولك بالشعر خبره - ومشـوار والصدق ماتطلـب عليكـم شهـوده والكذب ماله معك مدخل ومظهـار وأسلم سلم حظك وطالـت سعـوده والله يجيرك من بلا الوقـت لا دار وعسى حبال الشر عنـك معقـوده يامكرم الطرقي والاصحاب والجار الشاعر / رجالله المحمدي الله يرحمه واموات المسلمين والقصيده ذات هدف بين شاعرها والمرسله إيليه
__________________
لا إله إلا أنت سبحانك إنّي كنت من الظّالمين |
![]() |
![]() |
![]() |
#2 |
شـاعـر
تاريخ التسجيل: Aug 2014
المشاركات: 908
|
![]() والله يرحم الشاعر. رجاء الله المحمدي وامواتنا واموات المسلمين |
![]() |
![]() |
![]() |
#3 |
مالك الموقع
تاريخ التسجيل: May 2014
المشاركات: 6,537
|
![]() حياك يالغالي
__________________
لا إله إلا أنت سبحانك إنّي كنت من الظّالمين |
![]() |
![]() |
![]() |
الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
في الجنّه | اللحالي | الخيمه الرمضانية | 1 | 06-04-2017 12:34 AM |
اصحاب الجنّه | اللحالي | تذكير من الآيات | 2 | 04-22-2017 07:30 PM |