انا

[اللحالي]

انـا.مـنـتـقـد سرهيد و أقول لـه مرجوج
ولـو.انـتـقـادي..شـكّ.مـاهـوب.مـاكـودي

لكن لـيـه بالـتفكير يـغـرق بـقـصـة عـوج
وهو فـالـزمـان الـلـي بالايات مـشـهـودي

ويفـهـم من التاريخ مـايـجـعـلـه بـهـروج
يصـير الخليل بـحـال و بـحـال نـمـرودي

وفي حاضره يحذر خطر بحره المهـيوج
يمكن إنّـه يـدش البحر و البحر.برمـودي

ياعـزّي لحال الـلـي عـلـيـه الكلام إيروج
مـاهـي سـالـفـة تـلـفـيـق بكتاب تـلمودي

لـه الـعلـم من جزاع دام الـنّـظـر مـبـلـوج
لايـحـلـم بأنّـه يقـطـع الـروس و.يـهـودي

ولا الـجـوّ.لـو فـكّر..بـأنـه...وسـاع فجوج
تـرى الـجـاذبـيّـه كـنّـهـا الـبـاب موصودي

من الأفضل انّـه بالوطـا. يحصر المنهوج
يغـازل مع أخت البحر..بسهود ومـهـودي

لايطمع لياشـاف السفـن لـه تثيـر لجـوج
بحسب السفينه عبر الابحـار..سـمـهـودي

ركوب السفينه يجعل البحّار فوق الموج
لكن كيف يالبـحّــار تـرسي على الجودي

هاذي موعضـه ماهـي تلاحين مانا.لـوج
ولاهو تعامل بين حـاسـد و مـحـسـودي

حياة الـبـشـر يـعـيـشـهـافـالـج و مفلوج
ويـمـضي بـهـا الابـشـار بالّـين و الكودي

لكن مـاتـدوم ولـو لـهـا. عـالـيـات بـروج
مادامت لمن يوحا.لهم وحي مـعـبـودي

ونـعـرف تـقـافي الـبشر فوج يتبع فوج
هـذا يـنـتـهـي. أجـلـه و هـذاك.مـالـودي

بعدانت يالخيال وحصـانـك الـمـسـروج
تحسبك بعلم الكون ماعـنـك منـشـودي

لوأنشدك عن سن المهرقلت قبـل الغوج
مـاودّك تـعـرف الفرق بالنقص والـزّودي

تباها.بزجّ. الجهـل و انت اللذي مزجوج
يقولون بحر العلـم مـاهـوب. مـحدودي

وأقول الله يـهـنـيك في عمرك المبهوج
بعد أربـعـيـن الـعـام... بالحزن.مكبودي

نصيبك معـك مثل ذالقرنين مع ياجوج
وصبرك على الـلـي مـنـه لازلت ملهودي

وأنأنت.وانت.بذات.روحي.رعيل.رعوج
واقهويك.بنّ.احباش.مع طيب كنبودي

وأنا.من رجال البدو. و بطبعهم متيوج
ولالي ولا للغـيـر في شـان.مـقـصـودي