|
|
04-09-2015, 03:05 AM
|
#1 |
|
مالك الموقع
تاريخ التسجيل: May 2014
المشاركات: 6,555
|
نافضات العكاريش
= = يا علي خل العيد لأم الدناديش=اللي تنظف كل يوم جسدها تبغي تماري ناقضات العكاريش=في كل ملفاح تنقض جعدها العيد عيد الله ولو فات حتيش=من حسبة ايام يمرك عددها نبي نعلمك المساري على الجيش=مشي ذلولك لين يفتر جهدها خابرك مانتب ضاري للمطاريش=نبيك تونس حلوها من نكدها ليله على مسرى وليله مغابيش=وليله نخلي نومها لمن رقدها وليله على تمره وليله على عيش=وليله نوكلك اللحم صيد يدها يا علي لاجيت العرب لاتجي تيش=خبل ليا جاب السوالف سردها إحفظ لسانك لا يجي فيه تبطيش=تصبح عيونك كايدات رمدها يجيك من ينشدك نشدة تكديش=يبي يسنع هرجة يعتمدها خله يقوم مفلت في يده ريش=يروح منك وحاجته ما وجدها ترى دعابيل الخبول الفوانيش=تبدي بما فيها ولا احد نشدها يجيك واحدهم يورش توريش=سحابته يسبق مطرها بردها واللي لغمقات السوالف مناقيش=قراية الكلمة على اول عددها تجي سوالفهم ضحكٍ وتبهيش=وقلوبهم ما احد يفكك اعقدها = = للشّاعر المعروف : صقر النّصافي
.
__________________
لا إله إلا أنت سبحانك إنّي كنت من الظّالمين |
|
|
 |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
العرض المتطور
