يالي تعرف الحل

[ابو مناحي]

ياللي تعرف الحل حضرّ دلايلك=ومسموح لو تستفزع اهل المشوره
حجتك وشهودك تثبّت لك الملك=ويستخدمه زايرك واللي تزوره
ياكثر من يحتاج له لو يمثلك=والا انته تحدّك عليه الضروره
كنه لغيرك واخذته ماتزعلك=اما جلب لك خير والا خطوره
=ناصر الشميلاني

اللحالي الغيداني ,اصايل معجبون بهذا

[اصايل]

صح لسانك وبيض الله وجهك
وش رايكـ. برقم الجوال ^^
توقع :)

[ابو مناحي]

المشاركة الأصلية كتبت بواسطة اصايل

صح لسانك وبيض الله وجهك
وش رايكـ. برقم الجوال ^^
توقع :)

صح بدنك يا اصايل
رمعه جيده
لكن الحل ماهو الرقم
ولك تحياتـــي وتقديــــــــــــــــري

[ابو مناحي]

المشاركة الأصلية كتبت بواسطة الراقي

اتوقع انه جرس الباب

حياك الله يالراقي
مالك لوا
ولك تحياتـــي وتقديــــــــــــــــري

[ترانيم حربيه]

مساءالخير على الجميع اخباركم وعلومكم

مشكور ابو مناحي على اللغز ماقصرت

وش رايك بالاسم اسم الشخص يعني

اللحالي الغيداني معجب بهذا

[ابو مناحي]

المشاركة الأصلية كتبت بواسطة ترانيم حربيه

مساءالخير على الجميع اخباركم وعلومكم

مشكور ابو مناحي على اللغز ماقصرت

وش رايك بالاسم اسم الشخص يعني

الله يمسيك بالخير
واخبارنا وعلومنا تمام الحمد لله
ورأيي أقل صح لساااانــــــك
نعم هو الاسم
ولك تحياتـــي وتقديــــــــــــــــري

[اللحالي]

المشاركة الأصلية كتبت بواسطة ابو مناحي

ياللي تعرف الحل حضرّ دلايلك=ومسموح لو تستفزع اهل المشوره
حجتك وشهودك تثبّت لك الملك=ويستخدمه زايرك واللي تزوره
ياكثر من يحتاج له لو يمثلك=والا انته تحدّك عليه الضروره
كنه لغيرك واخذته ماتزعلك=اما جلب لك خير والا خطوره
=ناصر الشميلاني

صح لسانك يابو مناحي مافيك حيله

عليّ الملازيم مانت بسيط ( يالشاعر)

هذا يبي له وقت بالتفكير تكفون عاونوني

اسبقوني بالحل

[ابو مناحي]

المشاركة الأصلية كتبت بواسطة اللحالي الغيداني

صح لسانك يابو مناحي مافيك حيله

عليّ الملازيم مانت بسيط ( يالشاعر)

هذا يبي له وقت بالتفكير تكفون عاونوني

اسبقوني بالحل

الله لايهينك يابو سلطان
وماعليك زود يالغالي
لاتطلب معاونه خدمتك ترانيم
وللتوضيـــــــــــــح
اسمك يستخدمه جميع من يعرفك
علماً انه يمثلك
وانته تحدك عليه الضروره
يعني لاتنطق اسمك الا للضروره اذا
سألك عنه أحد أو راجعت إداره ومثلها
ولك تحياتـــي وتقديــــــــــــــــري