|
|
09-27-2014, 02:47 PM
|
#1 |
|
مالك الموقع
تاريخ التسجيل: May 2014
المشاركات: 6,563
|
الشريف بركات
الشريف بركات بن عبد المطلب من شعراء اواخر القرن العشرين, واوائل الحادي عشر,فهو من الذين يقولون الشعر عن سليقه لا أثر للتكلففيها وان وصيته لابنه مالك الأتيه في هذه القطعه الشعريه الرائعه , وصية اب مشفق , ترمى بجانبها كل الوصايا والعلوم التربويه التى اتعب علماء النفس والتربيه انفسهم فى تدوينها , وهكذا يربي الاباء ابنائهم والافياضيعة الابناء , فقال ---------------------------------- = = يالله يااللي كل الامات ترجيك = ياواحد ماخاب حي ترجاك يارب عبدٍ مامشى في معاصيك= ولا يمشي إلاّ فى محبتك ورضاك يامرقب بالصبح نطّيت راقيك =ما واحدٍ قبلي خبرته تعلاّك عدّيت بك ياللي رفاعٍ مبانيك=من هاجسٍ جالي تعلّيت مبناك ولّيت ياذا الدّهر ما كثر بلاويك= الله يزودنا السلامة من اتلاك ياللي على العربان عمت شكاويك =وليت يا دهر الشقا ول مقواك واليوم هالكانون غادن شبابيك= تلعب به الارياح من كل شباك يامالك اسمع جابتي يوم اوصيك =واعرف ترى يابوك ابامرك وانهاك وصيّةٍ من والد طامع فيك =تسبق على الساقه لسانه لعلياك اوصيك بالتقوى عساء الله يهديك =لها وتدركها بتوفيق مولاك الله بحق اجدادك العرب يعطيك= مرضاته مع ما تمنّا من امناك واحفظ دبشك اللي عن الناس مغنيك=اللي ليا بان الخلل فيك يرفاك واعرف ترى مكة والاها ابناخيك=لو تطلبه خمسة ملاليم ما عطاك واجعل دروب المرجلة من معانيك =واحذر تميّل عن درجها بمرقاك لا تنسدح عنها وتبيني اعطيك= جميع مابيديك ماحصله ذاك وادّب ولدك ان كان تبيه يشفيك =واستسعفه من بعد مرباه يا لاك امّا سمج وستسمجك عند شانيك =ويغر من فعله صديقك وشرواك وإلاّ بعد جهله ترى هو يأذيك= ولو زعلت امّه لا تخليه يالاك واحذر تضيّع كل منهو ذخر فيك= معروفه لا تنساه واوفه بعرفاك ترى الصنايع بين الاجواد تشريك= اليا طمعت بغرسها لا تعداك واحذر سرور بغبة البحر يرميك= ولا عنده احسن من تشكّيك وبكاك واوف الرجال حقوقها قبل تاتيك =ولى تعتمد بالقول والحق يقفاك وهرج النميمة والقفى لا يجي فيك= واياك عرض الغافل ايّاي واياك تبدي حديثٍ للملى فيه تشكيك= وتهيم عند الناس بالكذب وشراك واليا نويت احذر تعلّم بطاريك= كم واحدٍ تبي به العرف واغواك واحذر شماتة صاحبٍ لك مصافيك = واليا جرالك جاري قال لولاك ولا تحسب ان الله قطوعٍ يخليك= ولاتفرح ان الله على الخلق بداك والضّيف قدّم واجبه حين يلفيك= مما تنوله يا فتى الجود يمناك اكرم قباله فانها من شواديك= خله محبٍ لك صديقٍ ليا جاك واوصيك زللات الصديق ان عثا فيك= ما دام يغطاها الشعر فاحتمل ذاك راعه ولو ما شفته انه يراعيك= عساك تكسر نيّته عن معاداك واحذر عدوك لو ظهر يبي يصافيك= خلك نبيه وراقبه وين ما جاك لا تامنه واطلب من الله ينجيك =ويكفيك ربك شر ذولا وذولاك شفني انا يا بوك ابامرك ونهيك= عن التعرض بين الاثنين حذراك وإذا حضرت إطلابةٍ مع شرابيك =اسع لهم بالصلح واللاش يفداك وابذل لهم بالطّيب ربّك ينجيك= ولا تجضع الميزان مع ذا ولا ذاك امّا الشهادة فأدّها ان ادعو فيك =بين عمود الدين لا عمست ارياك وبالك تماشي واحد لك يرديك =طالع بني جنسك وفكر بممشاك ورابع اصيلٍ في زمانك يشاكيك =لاشاف خملاتك عن الناس غطاك واحذرك عن طرد المقفّي حذاريك = عليك بالمقبل وترك اللي تعداك ثم العن الشيطان لياه يغويك =ترى ان تبعته للشرا بيك وداك واوصيك لا تشكي علينا بلاويك =انت السبب طرفة عيونك بيمناك واعرف ترى ما قد وطا الفِعر واطيك = ولانت اعز من الجماعة هذولاك ألمسك يا راسي عن الذل واخطيك =واحذر تكلم يا لساني وحذراك والطف بجيرانك وقم دون عانيك= وافطن لما يعنيك عن ربعة أخواك ياذيب وان جتك الغنم في مفاليك =فاكمن لين ان الرعايا تعداك منول يا ذيب تفرس باياديك= واليوم جا ذيب عن الفرس عداك يا ذيب عاهدني وعاهدك مرميك =مرميك انا يا ذيب لو زان مرماك والنفس خالف رايها قبل ترميك = ترى لها الشيطان يرمي بالإهلاك ومن بعد ذا لا تصحب النذل يعديك = وعن صحبة الانذال حاشاك حاشاك ترى العشير النذل يخلف طواريك =وانا ارجي انك ما تجي دون اباك والهقوه انك ما تجي دون اهاليك =ولا ظن عود الورد يثمر بتنباك والحر مثلك يستحي يصحب الديك= وان صاحبه عاعا معاعات الادياك لا تستمع قول الطرف حين يلفيك =بالكذب يقضي حاجته كل ما جاك من نم لك نم بك ما فيه تشكيك =ويلاه قد ازرا رفيقك وأزراك عندك حكا فينا وعندي حكا فيك =واصبحت كارهنا وحنا كرهناك ماخطاك ما صابك ولو كان راميك = واللي يصيبك لو تتقيت ما خطاك مير استمع مني عسى الله يهديك = النصح يا مالك لك االله مولاك عندي مظنه ما تمثلتها فيك =واطلب لك التوفيق من عند مولاك = =
__________________
لا إله إلا أنت سبحانك إنّي كنت من الظّالمين |
|
|
|
09-27-2014, 04:30 PM
|
#2 |
|
مالك الموقع
تاريخ التسجيل: May 2014
المشاركات: 6,563
|
علماً ان بعض ابياتها مفقد فلو وجدنا من يفيدنا بهن اضفناهن للقصيده لكونها قصيده ثمينه بالنّصايح والموعضات الثّمينه ولكم خالص تحياتي والسلام
__________________
لا إله إلا أنت سبحانك إنّي كنت من الظّالمين |
|
|
|
 |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصيدة بركات الشريف | اللحالي | قصائد مسموعة | 0 | 09-27-2014 11:30 PM |
العرض المتطور
