بدر الحويفي رحمه الله

[اللحالي]

يا أهل العقول المبصرات احسبوله
ترى الحياة بلاعمل مابها فود

أعمل عمل وأطلب من الله قبوله
منهج طريق الخير واضح ومحمود

دامك نشيط وكل شيٍ تنوله
ترى السّفر له حدّ والعمر محدود


بدر الحويفي/ الله يرحمه واخوانه المسلمين

معيض الضعيني ,اصايل معجبون بهذا

[دحمان-الحاج]

رحم الله الشيخ الشاعر بدر الحويفي
وجزاك الله خير يا ابو سلطان على هذا النقل الجميل
وأطال الله عمرك ياللحالي يا غالي

اللحالي الغيداني معجب بهذا

[اللحالي]

الله يجزاك خير يابو براهيم

ويمدّ بعمرك على طاعته

والله يرحم ابو سلمان

الشيخ بدر الحويفي

شاعر النّزاهه والنّقا الله يرحمه

واموات المسلمين

اللهم صلي على محمد كماصليت على ابراهيم

[معيض الضعيني]

سلمت أبو سلطان على النقل المميز وبيض الله وجهك
والله يتغمد الشاعر بدر الحويفي برحمته ويسكنه فسيح جناته

اللحالي الغيداني معجب بهذا

[اللحالي]

تسلم يابو وليد ومشكور ع المرور الرّائع

جزاك الله خير يالغالي

[الهاشمي]

الله يرحمك يالحويفي ولا يفتنا بتدك

[اللحالي]

المشاركة الأصلية كتبت بواسطة الهاشمي

الله يرحمك يالحويفي ولا يفتنا بتدك

تسلم يالهاشمي مشكور

[اصايل]

إِنَّا لِلَّهِ وَإِنَّا إِلَيْهِ رَاجِعُونَ

الله يرحمه ويغفر له ويعفو عنه
سلمت يمناك ع النقل

كل التقدير والاحترام

اللحالي الغيداني معجب بهذا

[اللحالي]

المشاركة الأصلية كتبت بواسطة اصايل

إِنَّا لِلَّهِ وَإِنَّا إِلَيْهِ رَاجِعُونَ

الله يرحمه ويغفر له ويعفو عنه
سلمت يمناك ع النقل

كل التقدير والاحترام

الله يجزاك الخير مديرتنا

[اللحالي]

مما قاله بدر الحويفي رحمه الله

‎

حنا تراب وترجع أجسادنا تراب=ونحفر تراب قبورنا في يدينا
ناسٍ نوآدعهم وناسٍ بالاصلاب=وفي كل يوم يمر ندفن حدينا
الأرض فيها أشرار واصحاب واقراب=وناسٍ تبي منا وناسٍ تبينا
متخالفين ألوان واشكال وانساب=وهذاك يهجرنا وهذا يجينا
واحد يغيب ونذرف الدمع لا غاب=وواحد يموت وندفنه ما بكينا
وشخصٍ يدور خير وافراح واحباب=وآخر يدورنا يبي يبتلينا
حنا عليها أغراب ونكلم أغراب=وارزاقنا عند الولي ما نسينا
هذي هي الدنيا متاهات واتعاب=نضحك على الدنيا وتضحك علينا