الحزن مثل الموت - نداء الغيداني

[اللحالي]

فرخٍ عقب ضف ريشه طارمن وكـره=فـي غفلـةٍ والأوادم مايشوفـونـه
والصقر لاطار ماحـد وامنٍ مكـره=إليا شهر عودته ماهي بمضمونـه
والله مادري وش اللي دار في فكـره=أخلى مكانه وخـلا اللـي ينادونـه
الفكره اللي طرت له ماهـي بفكـره=غير مفاهيـم كـل اللـي يعرفونـه
أقول بكـره يجـي والا بعـد بكـره=وطول غيابه وحال البعد مـن دونـه
لكن لو غـاب زولـه باقـيٍ ذكـره=بقلوب ناس مثـل حالـي يعزونـه
أنا أشهد إنه حدا رجلي على ماكـره=وأتعبت حالي على شانه وفي شؤنـه
قاسيت همٍ جرالـي منـه ماحكـره=أثر بقلبـي وسـدي بـاح مكنونـه
وحزنٍ يلفه تقل سيـرٍ علـى مكـره=أسباب علمٍ سمعته بـان مضمونـه
واحياناً الحزن (مثل الموت له سكره)=يجهد فؤاد الحزين ويسهـر عيونـه
وياهيه ياللي بدا إسمك عندنا نكـره=زودت هم الخفـوق وزدت بحزونـه
ما دام ما ضاع لك حاشي ولا بكـره=وش دخلك بين مضنـونٍ ومضنونـه
يالله ياللـي علينـا حمـده وشكـره=يالواحد اللي جميع الناس يرجونـه
لاتِسمع الناس بمحمـد خبـر يكـره=وتفرح به اللي لهم وقـت يتحرونـه
وإنك تـرده علينـا اليـوم لا بكـره=وتسعد بشوفه عيون اللـي يحبونـه

ابن حران معجب بهذا

[معيض الضعيني]

الله الله جزله يا نداء الغيداني وسلمت يدين الناقل الحالي الغيداني لاعدمناكم يا الغيادين

اللحالي الغيداني ,ابن حران معجبون بهذا

[اللحالي]

تسلم يابو وليد بالاشاده الجزله من الجزل
ويسلم ابن حران ع المرور العذب
بالجميع ياهلا