يالوطن

[اللحالي]

أمشي بعرضك يالوطن وأمشي الطّول=وفي كلّ ديره يالوطن طيب ناسك

والكلّ منهم عن مخاوفك مسئول=ومن حجّ لك بالأمن يدّي المناسك

وصلت بك بالفخر لحدود مذهول=من ما حصل للي يحاول مساسك

رغم إنّ يوجد فيك رخمان وحثول=واللي من أجل المال يبي افتراسك

لكن هل التّوحيد ما فيهم نذول=وبمنهج التّوحيد يا عزّ رأسك

نعرف من التّاريخ عن ماضي جيول=ينقال من بِعد الرّطوبه يباسك

واليوم في كلّ الملذّات مشمول=في واضح أوضاحك ومجهم دماسك

ليا شفت ناسك يوم تزعب من المول=واللي سكن صرحك ويخرف غراسك

أقول مرغادك على ناسك يزول=وعلى قليل الدّين يصعب مراسك

يالله تهدينا لما فيه محصول=نستزهبه بمغادرتنا دواسك

فارس الامواج ,معيض الضعيني ,اصايل معجبون بهذا

[اصايل]

أيوب ,اللحالي الغيداني معجبون بهذا

[اللحالي]

الله يسعدك بالدّارين؛؛ اصايل

انتي أحد زهور الوطن يابنتي

الله يسعدنا بسعادتك وامثالك

والوطن في نظري مافيه اغلامنه
والغالي من غلا الغالين

اصايل معجب بهذا

[اصايل]

ويسعدك ياااااااارب ياعمي جزاع ويحفظك
ومشكور ع كلماتك ودعواتك الطيبه ياطويل العمر
كل الشكر والتقدير والاحترام

اللحالي الغيداني معجب بهذا

[معيض الضعيني]

صح السانك ابو سلطان وبيض الله وجهك والله يديم نعمة الامن

اللحالي الغيداني معجب بهذا

[اللحالي]

آمين علينا وعليك يابو وليد

وعموم اخواننا المسلمين

معيض الضعيني معجب بهذا