جيب شاص

[اللحالي]

ياململم معاميلك على جيب شاص=لا تحسبك الاوّل في مجال القنوص

واجد اللي لهم خبره بذا الاختصاص=مير ياكثر من قالوا عليهم أنقوص

لكن الرّوضه الخضراء فريدة مناص=كان مافي خمايلها الزّحوف القروص

شبّ نارك وانا أجيلك بشكل انفراص=وان تدارس بهرجتنا دروس النّصوص

بين الاثنين مابعقولهم أختباص=في مساعي تخص قلوبهم بالقفوص

صبّ فنجال بنّ و هات تمرالخلاص=كلّنافي غرابيل الجزيره بخوص

و لا تقول ابتلينا بالعقول النّقاص=كان تسنح لك الفرصه وتقدر تحوص

كان فكرك لياشاف المهمّات حاص=خايف القمطرير بجوف يومٍ عبوص

منه شيب الذّيابه عاد لـ الأنوصاص=وصار من كلّ لفحه للهبايب قموص

لا تلومه و لا يلحقك منه انتقاص=لكن ارق الجبال ان شفت فكرك غيوص

وكان فكرك طلع للجوّ طلع الرّصاص=اشكم العين لاتكثر وراه اللخوص

اصايل معجب بهذا

[اصايل]

صح لسانك شاعرنا القدير

متميز دائما بالقافية ياعمي جزاع
ما شاء الله تبارك الرحمن

أحترامي وتقديري

اللحالي الغيداني معجب بهذا

[اللحالي]

صح الله بدنك يالاميره

اصايل

الله يجزاك الخير واخوانك المسلمين