|
![]() |
#1 |
مالك الموقع
تاريخ التسجيل: May 2014
المشاركات: 6,533
|
![]() قصيدة الـشـاعـر : عبـدالله الحـويـفـي صورة فرس صورة جمل صورة الطير = هــذي تـراهــا مـــن رمـــوز الـرجـولـه وبيت الشعـر لـه صورتـن شكلهـا غيـر = صــوره وكــن اهــل الشـبـب سـيـرولـه كــــذا يــكــون الـمـنـتـدى يالـمـنـاعـيـر = فــي مدخـلـه حـيـث الـرجـال ادخـلـولـه وجـهـه حقـيـقـه ياللـوجـيـه المسـافـيـر = يـعـكـس حقـيـقـة سـلـمـكـم يـالـزحـولـه دخـلـت بالمـوقـع عـلـى حــزة اعصـيـر = وبـداخــل الصـفـحـات سـويــت جـولــه جــمــيــع مـايـحــتــاج راع الـتـعـابـيــر = بالمـنـتـدى يـحـصـل عـلـيـه بـسـهـولـه كـامـل وشـامـل ماحـصـل فـيـه تقصـيـر = والــكــامــل الله مـنــتــداكــم كــمــولـــه صحـيـح مـوقـع مـحـتـرم دون تـزويــر = والـمـحـتـرم بـالـنــاس يـلـقــى قـبـولــه الــســـر مـايـحـتــاج لــســـر تـفـســيــر = سـر النـجـاح ارجــال تـعـرف وصـولـه يــديــره الــلــي نـاضـجـيـن الـتـفـاكـيـر = اهـــــل الـعــقــول الـنــيــره طــورولـــه امـطــوريــن الـمـنـتــدى دوم تـطــويــر = عــــن مـايـشـوبــه مـغـلـقـيـن قـفــولــه وجمـيـع الاعـضـاء يستحـقـون تـقـديـر = مـجـهـودهـم جــبــار يـــــوم ابـذلــولــه وانــا مــود ايصـيـر بـالـوضـع تـأخـيـر = عـنـدي كـــلام ابـحــق ربـعــي بـاقـولـه عــن مدحـهـم مـانـي محـصـل مـعـاذيـر = الــمــدح يـزهـاهــم بــعـــد مـازهــولــه مواعـزه مــن روس حــرب المشاهـيـر = ميقـافـهـم مـعــروف عـرضــه وطـولــه اهــل الشجـاعـه والـسـيـوف البـواتـيـر = ضـديـدهـم مـــن فعـلـهـم طـــق جـولــه يــــوم الـلـيــل الـقـاسـيـات المـعـاسـيـر = يأمـن بهـم مــن خــاف خصـمـه ينـولـه فــي صفـحـة الامـجـاد حـطــو تـقـاريـر = تـاريـخـهـم يـشـهــد لــهــم بالـشـمـولـه ماجاتـهـم بـامــزوح ومـداهـنـت سـيــر = ولا عـلــيــهــا يــدفــعـــون الـعــمــولــه جتهـم بقصـف ارقـاب جـمـع وطوابـيـر = نـعـمـن بـهــم والــكــل تــذكــر فـعـولــه رجـالـهـم مــغــوار يــســوى مـغـاويــر = قلـتـه وغـيــري نـــاس واجـــد تـقـولـه لــو اعـتـزى بمـواعـزي سـالـم الـزيــر = عـــود بـثــار اكـلـيـب مـاحــال حــولــه هــذي حـقـيـقـه مـا تصـورت تـصـويــر = يوم الــدويـلـه حـطـمــوا عـــرش دولــــه ورد الـــشــاعـــر : وهــق الـــكـمــي الخيل والبل والسلف والمضاهيـر = والشاعر اسرج للمعانـي خيولـه والسيف والبندق وشوح المشاوير = وراع الصقر بالروض قيد ذلوله والبيت يبنا في بطيـن العثاميـر = ونجره ينادي والنشامـا عنولـه منصا الضيوف ومدهل للمسايير = ومراكي تزهـا مفـارش زلولـه ونار تلظـى للشبـب والمباهيـر = ومعـزب تدخـل بقلبـك دلولـه حلوقـباله ما يجـي منـه تقـصير = وعـزيزة نفـسـه ولاهي ملولـه وبعدالعشا تسمع حنين المصاغيـر = وهذيـك يبهـلهـا وذيك امعقولـه وهذي مجاهيـم وهـذي مغاتيـر = راجت على بيت لها مراح حولـه حليبها للجـار هـو والخطاطيـر = وتلقا مع المحتاج منهـا عدولـه وبامر الله تسمي مزون مزابير = ولافيه وادي ماتكرب سيوله وانظر ولا قدامك الا النواوير = وعشب غطت رمث المسارب كثوله مد النظرواستنشق الريح وتحيـر = جنـه ولكـن بالحيـاة العجولـه حكمة بديع الكون وال المقادير = اللي جميع المسلمين اسجدوله واليا تذكرت السواني على البيـر = واللي على الطيه يثبـت ارجولـه وعبدالله الله يذكره باجـزل الخيـر = ياالله تقبل دعـوة اللـي دعولـه نرفع له البيضا بروس الشناظيـر = طـول الزمان اللي تعاقـب فصوله له مـن قبيلتنـا تحيـه وتقديـر = اللي نظم في مدحنـا جـل قولـه ياشاعر صخرت الابيات تصخير = والصعب من عرفك تهـياحلولـه قولك وكاد وله ثوابت و تبريـر = ولا عليكـم زود يابـن الحمولـه كفو كفو لو طال سعر الـمساعير = مابه طويل الا بعـزمـك تطولـه وانتم هل النوماس ستر الغناديـر = وانتم جمـال ترتكـي للحمولـه عدوكم ريقه يقف بالازارير = يقعد يقوم يقوم ينسى نعوله وصديقكم لو العدى له دواوير = بكنافكم يمشي مع الناس طوله يوم الجزيره من جحيم لزمهريـر = كل بذك الوقت تعـرف فعولـه وعلوم مثل اللي بدا ينفـخ الكيـر = ماهي عن الخالق ولا عن رسوله ومن الجهل سـوا لنفسـه خوابيـر = ومصـيـبة يشـتالها في حـثوله حيث الـقـزاز ليا تعرض لتكسـير = ماعاد يـرجع مثـل ما كان زوله وعلوم مثل المسك وسط القوارير = مسك يقسـم بيـن تولـه وتولـه جزله ولا تحتاج للنـاس تكبيـر = من شاعر كل الرجـال احسبولـه مثل الـحـويـفـي مايبالوضع تذكيـر = شاعر وكل اهل الضمير اشهدوله
__________________
لا إله إلا أنت سبحانك إنّي كنت من الظّالمين |
![]() |
![]() |
![]() |
#2 |
إدارة عامّة
تاريخ التسجيل: Jul 2014
المشاركات: 5,325
|
![]() صح ألسن الشعراء وبيض الله وجيهم وتسلم ياعمي وبيض الله وجهك ع المجهود الرائع الله يعطيك الصحه والعافيه تقديري
__________________
![]() |
![]() |
![]() |
![]() |
#3 |
مالك الموقع
تاريخ التسجيل: May 2014
المشاركات: 6,533
|
![]() اصايل ايه ياحبايبي ولهنا ع ذاك الشيبان قلنا نجيب من نوادرهم
__________________
لا إله إلا أنت سبحانك إنّي كنت من الظّالمين |
![]() |
![]() |
![]() |
الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
مسرح الجريمه | ابو مناحي | جلسة الألـغـاز | 13 | 08-01-2015 09:33 PM |
يا مسرج مهارك | اللحالي | ديوان اللحالي سرهيد | 0 | 05-25-2014 02:33 AM |