|
![]() |
#1 |
مالك الموقع
تاريخ التسجيل: May 2014
المشاركات: 6,534
|
![]() هذه القصيده رد على ابيات سابقه للشاعر متعب السعيد مرحبا - - ترحيبة - - تشف - الغليل مااصطفق - موج البحر - وارزم غمام مرحبا - - حييت - - ياعوق - - القبيل ياعريب - - الساس - يالحر - القطام بالمخيخ - - و بالنخاع - - المستطيل حبي - لربعي - عزيزين - - المقام علمكم - - غانم - و مبداكم - - نبيل وصيتكم - مثل الذهب شرق وشام و بعد - هذا - لا - تحط - ولا تشيل رايتك - بيضاء - ولا - لحقك - ملام واللـه - - انّي خابرك - حد - ودليل هيلعي - - ماتعيل - - ولا - تضام بس - مدري - وين - رحتوا يالعميل يوم - جينا - للتكاتف - - و الوئام و اجتمعنا - والسباع - الها - عويل و المطيه - لا شداد - ولا - خطام و ابتدينا - رحله - المليون - - ميل باجتماع - و باختلاف - و بانقسام اثرنا - - نحتاج - - قوة - - بونفيل يمنعون- - الجمهره - و الاعتصام السفيه - يقول - ابلعن سنسفيل و الخبيث - يقول - غرد - ياحمام خبلنا - - يرمي - و عاقلنا - يكيل والمصيبه - بيننا - صار الخصام و العراقي - له نهيق -وله صهيل لالجرايد - و المجالس - والخيام نابتٍ - له - في وطنكم ناب - فيل وينكم - يا اهل المهمات الجسام علموه - ان الحكي - ماله - ذبيل مارفع - طامن - ولا طمّن سنام ومن جلب لاهل الحسا تمر حويل علموه - ان - الهزيله - - ماتسام والنتيجه - والمكاسب - والحصيل ياتنك - قرقه - و قرقع - يادرام ايه - يامتعب - ومن - هذا القبيل ربعنا - صلوا - بلاء - مذّن وامام والليالي - تودع - العاقل - هبيل و الامؤر - اليوم - سلّم ياسلام راح - جيل - و مقبل ياخوك جيل ياللـه - انّي طالبك حسن الختام العزيز - - يذل - ويعز - - الذليل والسباع - تباع في سوق النعام ودفتر الشيكات في مخبا البخيل ماظهر في حرب وإلا في سلام واللبن والزبد في بطن الصميل مااطعم - الجايع ولا فطر صيام والشعير - يكال بشوال - وزبيل والذهب محسوب بالملي جرام وش يجيب الدوم لغروس النخيل فرقهن فرق الكرام من اللئام حسبي المولي وهو نعم الوكيل عالم - النّيّات - خللاق - الانام مانبي - منهم - كثير ولا قليل ولا لنا مقصد ولا غاية - مرام والحظيظ اللي يحسب للرحيل باكر اليا لف في مترين - خام مايفيده - لا خوي - ولا زميل ولا يفيده - لا خوال ولا عمام فانيه - و الادمي - عابر سبيل اترك اللي فات وانظر للامام والكلام احيان احد من الصقيل يتلف - الارواح ويقص العظام مانبي - يفرح - بها نقال -قيل الحشيمه يالحشام ابنا الحشام استغلوا فرصة الشهر الفضيل وافتحوا صفحه محبه وانسجام والصبر طيب لو انه حنظليل والعفو والصفح من طبع الكرام والنعيمه لو مسك فتحي كميل ماوصل للقول من عشرين عام ايه يامتعب عسى عمرك طويل ودام عزك ياوريث العز دام وان بغيت العلم يازبن الدخيل اسلم وسلم على عادل امام وقد رد عليه الشاعر متعب السعيد لهذه القصيدة مرحـبـاً ترحـيـبـةٍ كالســـلســبـيـل او كما طـعـم العـسل قـبـل المـنام يشــهـد اللـه حـبكم ماهـو دخـيـل من خـلـقـنـا اللـه لـنا فيكم غـرام جاني المكتوب من صفـحات تـيل وراعي المكتوب له عندي وسام مرحبا في خط ابن عـمي خـلـيـل شـبرمي حنـظـلـي شـاعـر عـلام لا يغـيـيــر بالــكــلام ولا يـطــيـل ثـابـت في خـطـوتـه راعـي دوام فز قـلـبـي ثـم عـمـرت الســبـيـل وطال راسـي يوم جابه لي غلام وبعـد هـذا جبت بن وجبت هـيـل وحفت لي فنجال اخير من اليدام مانـدوبـح لـو تـجـي ظـلـما وليـل طالما نمشـي عـلى حسب الولام ولا نـدور فـي عـلاقـتـكــم بـلـيـل تاج راسي شـوفكم لـو هـو حلام عزوتي لا اعـتـزتها ضل ضلـيـل في طـلـبـهــم مـوقـفـي دايم ولام بس ذاك اليوم في قصر المسـيل جونا الصافي غـدا عـج وعسـام اختلط فـيـهـا السمين مع الهزيل ولا عرفنا من قضب فيها الزمام المصالح ســيـطـرت لـيـل وخـيل وراح فـيـها اللي يـبـونـه للهـدام يا ولـد عـمـي ترى ما نـيـب ذيـل شوري ابراسي مهو شورالمدام من قـبـل عـثمان وللعـلـيـا نخـيل واقـطع اليمنى الى خانت شــمام كـل رجـل لـه اصطـاف وله مديل ماخـتـلـفـنـا بـه ولا خـنـا الـذمـام كاسبين العـز من خـلـقـت هـذيـل والمراجـل ما تـجـيـنـا من عـدام وارثين الطـيـب لو خان الـدبـيـل ولـو يجـيـنا من معـاديـنـا اتـهـام والخـبـال اللي يجيك من الخـبـيل لا يهـمك مصدره شــخص خمام والحلـيـله لو يخون ابها الحلـيل تالي الدعـوى تجي مـثـل الرمام واللـيالي ياعـمـيـل الخـيـر حـيـل وابـتعـادي ما بـغـيـت الاصطـدام والـنـتـيـجـه واضحه مافيه سيل عودت عـقـبي عـلى ذاك الطمام ومن نهق في دارنا ماشاف ويل كـود من رب الملا جـلـد ورجـام طاح له في نفد واعروق ورميل وجاه ما كفاه من غـيـرك شــتام يوم غـيري باللقاء شال الشـلـيل ثابـت كـني جـبـل وادي ســــنـام لا دخـيـل ولا حـمود ولا عـجـيـل كـلـهـا تمشـي عـلى غـير افتهام وصفحة من غـيـر نـيـه ما تـزيل مالاجاء بالقلب من بغـظ وصدام المحبه تشــفـي الـقـلـب العـلـيـل في رجب وإلا عـلى شهر الحرام صـابـرين وصـبـرنا صـبـر رزيل مـيـر نـعـلـم حـق للـــــــه الـدوام مشـكـلـتـنـا غـامضه فـيها قـتـيـل ماحضرنصف العرب لجل الطعام اخـتـصـرهـــا لا نـولـع بالـفـتـيـل ثم تـظـهـر بصـمته راس الابهام اســتـلـم ماجاك بشـهـود وكفـيـل ولا يهمونك ولـو شــالـوا حسام اللـيـالـي فـي خـوافــيـهـا تـهـيـل والرجال ارجال والـبـاقـي رخـام انـتـهـا المضمون ما ودي نطـيل كان خـلـصـنـا الـدفـاتـر والـقـلام وعلمك اللي قلت لي باخر فصيل مـصــدره مفـهـوم يافـنـدم تـمـام جـاك ما خـطـيـت بـعـيـار ثـقـيـل طاش له ماطاش والسدحان قام
__________________
لا إله إلا أنت سبحانك إنّي كنت من الظّالمين |
![]() |
![]() |
![]() |
الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
ذيب اللحالي 2 | اللحالي | جلسة الألـغـاز | 27 | 01-07-2020 10:53 PM |
ابن اللحالي | اللحالي | جلسة النخبة | 6 | 07-29-2018 02:56 AM |
ذيب؟ اللحالي | اللحالي | جلسة الألـغـاز | 12 | 07-25-2017 12:48 PM |
عند اللحالي | اللحالي | فن المحاورة | 2 | 02-10-2017 09:28 PM |
اللحالي و ابو همس | اللحالي | جلسة النخبة | 0 | 02-05-2017 11:07 PM |