ليتك تجي؟؟؟

[اللحالي]

حبايبي الجميع السلام عليكم ورحمة الله وبركاته وبعد

ارسل لي نافل سالم ع الوتس سالفة هالربع وحبّيت اطلعكم على ماحصل

وإلى الاتي

يامرحبا فيك -ياللي - جيتنا - مسيّر
ليتك - تجي - كل يوم - تنّور الديره

لو ان - باقي - عليك - وتوك صغيّر
لكن - مواريك - بانت - يالله الخيره

عطاك - ربّي - جمال - وشكلا ًيحير
سبحان -من صوّرك - بأتم - تصويره

لافي مليفي الغيداني

وهذا الجواب

اثرك - قلبك - خضر وانا احسبك خيّر
لك مع هل الحب بدروب الهوى سيره

لاتحسبن - - المحبّه - -شيكن - مجيّر
الله يعينك - على - الحب و مساييره

انا ملاحضك - لك - كم - عام - متغيّر
تسج - وليا - سألتك - قلت لي -خيره

عوض عواض الغيداني

هذولا شعّار مافيهم حيله لكن حاولت اتعلّم منهم ولقافه

و الله ماشفته لكن بالشكل متغيّر
اللي هذي سالفة حضرة نواظيره

ينتف من قلوبهم - بالزّين و يطيّر
والمشكله كان جاهم واحدن غيره

اللي -على كل - مابالدّيره - يعيّر
ثم كيف يقرون في جملة -تعابيره

اللحالي

وجواب على المبداء مع عكس القافيه

يالافي مليفي انت ارسلت تمريره
اللي أعادت - بهاجس -يمهن الخيّر

ذكّرتنا - بالقديم - وكيف - تصويره
عن حال من عاش به واليوم متغيّر

واللي - مجاريك -قبلي قال تبريره
مشعوث - لكن مسوّي نفسه الخيّر

اللحالي

والسموحه من الشّعّار والزّوّار

اصايل معجب بهذا

[معيض الضعيني]

ما شاء الله إبداع قديم وجديد ياالغيادين وصحت السنتكم جميعا"
وسلم نقلك أبو سلطان

اللحالي معجب بهذا

[اللحالي]

تسلم يابو وليد
وماعليك زود يالغالي

[اصايل]

اللحالي معجب بهذا

[اللحالي]

الاروع مرورك اصايل الله يجزاك خير