ياللي على السوبر

[اللحالي]

ياحبايبي جميع المسلمين السلام عليكم ورحمة الله وبركاته وبعد
طلعنا قبل اسبوعين من الان لعشوه برّيه انا والأصدقاء الخاصين
وحصل على السوبر حقي عطل بالبريك وقالو لايمكن تروح به بدون بريك وقام ابو محمد عبدالله عواد الحربي و اتصل على سطحه وشالوه للصناعيه بعنيزه و بعد العشاء رجعوني للبيت وكلن ذهب لعمله اللي بالرياض واللي شرق القصيم واللي ببريده وانا بعنيزه و من بكره رحت للسوبر وجدت الورشه مصلحينه و الحمد لله و انا مع احبابي على اتصال مستمر الله يسعدهم جميع و إخوانهم المسلمين و قلت لهم البريك تمام التمام والليله ابي امرّنه بمشوره مع الشوارع و اشوف مسكه اثناء التفحيطات و،يمكن فهوني عكس قصدي جزاهم الله خير من مادعا لحصول الاتي ههههههههه؟


قال عبدالله عبيد الحربي ابو تركي

يقول

ياللي على السّوبر تسوّي تفاحـيـط
وعذرك تقول اتشوف مسكة بريكه

نعرف مقاصد راغبيـن الـتـعـابـيـط
يالشايب اللي مـسـتـشـيـط بدبيكه

وقلت

اسمع يابو تركي من ابن شليـبـيـط
الـشّـايـب الـلـي مـإتـكـي بـالاريـكه

على الخفايا لايجي لـك تـسـالـيـط
تـرى. الاوادم.. بـالـنّـوايـا. شـكـيـكه

سرهيد. اللحالي

اصايل ,الهاشمي معجبون بهذا

[اصايل]

هههههه الله يسعد قلبك ياعمي جزاع
صح الله السنتكم
احترامي وتقديري

اللحالي معجب بهذا

[اللحالي]

الله يسعدك اصايل حرب
ايه يابنت اخوي ههههههه شلتي بعض المرات يتهمونني ولازم اكافح ماني مستسلم دام لي قدره