09-14-2015, 09:03 PM
|
#1 |
|
مالك الموقع
تاريخ التسجيل: May 2014
المشاركات: 6,610
|
عندي تفاكير
اللـي فقدنـا مـن نبـات ونواويـر ماهو على المولى صعيـب رجوعـه الله مـن قلـب هجوسـه طوابـيـر ميعادهـن بيـن العتيـم وهجـوعـه قالـوا تفكـر قلـت عنـدي تفاكيـر أشوف شـئ مـن خطانـا وقوعـه قلـت الحقيقـة يالوجيـه المسافيـر قلبي ليـان وشـاف شـئ يروعـه شفت الجفاف مكسر القشـع تكسيـر والنفس ماهي من قضاء الله جزوعه وادي الرمة جوّه عجـاج ومعاصيـر يبسـت جراجيبـه وماتـت قشوعـه حمضه عليه من السوافـي عثاميـر يا باعث الأمـوات تبعـث جذوعـه مدهـل مجاهيـم تــلاد ومغاتـيـر وحمـر مرابيهـا هدايـد افـروعـه يوم الوسـوم تنثـر الوسـم تنثيـر والعشب ينبـت ماتكامـل اسبوعـه ويوم القلوب نظاف ماياقـف الخيـر يطيـح وسـم ولا تقطـع تبـوعـه واليوم وبل الغيـث مثـل الطباشيـر قامـت تلـوّث بالمناقـع انقـوعـه الشكـوى لله صـار بالجـوّ تغييـر دايـم كتـام وغيـر الجـوّ نـوعـه واصل الخطا منـا تهـاون وتقصيـر قليـل مـن يحسـن لربـه ركوعـه نشقى ورى الدنيا وهي مابهـا خيـر والموت يدنـي للنفـوس البشوعـه وعنـد المحاسـب ماتفيـد المعاذيـر ينشف جما العاصي وتطفي شموعـه واللي غناته سحـت ومـوال تزويـر لـه ساعـة مـاذاق حلـوه يزوعـه يـدري بهـا لاودّعـوه الحفافـيـر والقبر ضكّه مـع محانـي ضلوعـه فـي ساعـة مابـه تقـدّم وتأخيـر يفقد بها الرجال مجلس ربوعـه وعن ماعمـل مالـه مفـرّ ومعابيـر ما ينفعـه جمعـه وهيبـة جموعـه قدامـه الجنـة وقـدمـه زمهـريـر والله يعلـم ويـن يكتـب نجـوعـه يارب تهدينـا علـى أحسـن تدابير نطلب عظيم الشان خوفـه وطوعـه يالله يــارزّاق عــوج المناقـيـر ياكافـل رزق النـفـوس القنـوعـه يامـن بتقديـره تكـون المقـاديـر ياسامع الداعـي وخالـق سموعـه تزيـل شـدّات السنيـن المعاسيـر يامن لـك المسلـم يوجّـه خشوعـه تمدّّنـا يـارب رحـمـه وتيسـيـر غيـث يعـمّ المملكـة فـي نفوعـه يارب من قل المطـر نشفـت البيـر نشف الثرى والدرع ماتـت زروعـه ومات الخشاش وضاق في عشه الطير يشكي علـى ربّ السمـوات جوعـه والبـل مصارفهـا نخالات وشعـيـر واحوارها بالشبـك تـذرف دموعـه مثل السجين يلوح بيـن المواصيـر والا البهايـم للمـقـدر خضـوعـه حاطت عليه اذنوب نـاسٍ مباصيـر حاله صخيـف وحنـة أمـه تلوعـه ذنـب الأوادم لـه عواقـب وتأثيـر والعمـر فتـرة والحيـاة مخدوعـه وحنـا بشـر مالله خلقنـا تصاويـر واللي يخـاف الله يطبـق شروعـه والله محذرنـا عـن الكـذب تحذيـر والحسـد والغيبـة وكبـر وميوعـه. الشاعر / بدر الحويفي الحربي
__________________
لا إله إلا أنت سبحانك إنّي كنت من الظّالمين |
|
|
|
09-15-2015, 02:40 AM
|
#2 |
|
مالك الموقع
تاريخ التسجيل: May 2014
المشاركات: 6,610
|
صح لسان بدر عواد الحويفي احد شعراء حرب وتسلم يامختارها ومرسلها
__________________
لا إله إلا أنت سبحانك إنّي كنت من الظّالمين |
|
|
|
|
09-17-2015, 04:52 AM
|
#3 |
|
إدارة عامّة
تاريخ التسجيل: Sep 2014
المشاركات: 1,852
|
وسلمت يد الناقل على نقله وسلم فكر المختار على اختياره بيض الله وجيهكم ولاهنــــتم ولكم تحياتـــي وتقديـــري 
__________________
 |
|
|
|
 |
| الذين يشاهدون محتوى الموضوع الآن : 1 ( الأعضاء : 0 , والزوار : 1 ) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| موش من عندي | اللحالي | قصائد لم تكتمل | 3 | 03-28-2017 04:38 PM |
| عندي أدلّه | اللحالي | مختارات من نبض المشاعر | 0 | 07-26-2016 08:57 PM |
| عندي خبر | سعد السمين | عذب القوافي | 8 | 10-16-2014 03:38 PM |
العرض العادي
