[اللحالي]

يـامـسـرح الأحـزان و الدنيا فناء
والعرش واحدوالرؤوس مطأطأه

ماكان فوق الأرض عالي بالبـنـاء
بكرة يتساوى بالتراب ويـظـمـأه

كل المواد أسعارها صـارت غـلاء
الا البـشـر أن كان رجـل ٍ وامـرأه

والحال علة ودها وصفـة شـفـاء
والمجتمـع مركز جـمـيع الاوبـئـه

وحتى لو انك تنظر لنصف الوعاء
لا يسعدك نصفـه ولا اللي يـمـلأه

والصبر حكمة واختياراتك رداء
والقلب لا يقسى جحوده يصـدأه

حتى الصدور اللي بحاجة للهـواء
صارت تدور لـلـحـنـيـن ومـخـبـأه

ودي أعلي الصوت واصرخ بالنداء
واشوف من هو ثابـت ٍ في مبدأه

ماخاب داعي والنعم بالله الرجاء
ولا عاش هاني من غروره يرجأه

وترى الحياة أيامها اخـذ وعـطاء
ولكل وقت يكون طـارئ يـطـرأه

ماغير لـلإسـلام نـمـضي بـالـولاء
والله يسامح كل نفس ن مخطئه

ابو وفي العاني

يـاشـجـرة.. الـزيـتـون و ظـلالـك.. أمـان
يـاعـودي الـمـحـني و غـصـنـك لـلـذبـول

مـأوى عـلـيـل الـقـلـب فـي أقـرب مـكان
وشمس الضحا تشرق على الوجه الخجول

لـولا بـنـي آدم.. شـعـوره..... بـالـهـوان
ماماتت الضحكة على شفاف العـقـول

ولولا انقطاع الناس عن هـذا الـزمـان
ماضاعت اللهفـة على سـاعـة وصـول

ياصاحبي ضيعـت مـفـتـاح الـجـنـان
يوم ن عرفت اني مـضـيـع مـا.اقـول

لا والـلـه. انـي. مـاتـعـمـدت الـرهـان
الا لأني هـمـت فـي الـريـم الـجـفـول

مريت في حي ٍ بكى نقص الـحـنـان
يوم ٍ رحل عنـهـا حـبـيـبـي مـايـزول

حيطانها تشهـد مـع كـل.... الـمـبـان
وترابها مـتحـنـي بـرمـش الـكـحـول

وسقوفها ترجـف على لـحـن الأغـان
وابـوابـهـا تـفـتـح مـع دق الـطـبـول

وشيوخها تحـلـف مـع وقـت الأذان
ثم تذكر الله ثم تصلـي عـالـرسـول

عين تحتهـا جفن و الحاجب رزان
ترمي بنظرة تسرق القـلب الـعـزول

خد ن يكف الدمع لـو فـيـهـا يـبـان
شعر ن تقول الليل يالـيـتـه يـطـول

خصر ٍ يميل ويسلب الريح الضمان
كف ن جزيل وتعطي اللي مايقول

رجل ن تسير وكل خطـوة بـأتـزان
طيبة وحكمة طبعها بنت الأصـول

وصفتها والوصف يشعر بـأمـتـنـان
لني عجزت اوصل لها مليون حول

وهاذي هي الدنياترى مثل الحصان
لو ينكسر ساقـه يـمـوت ولا يـنـول

وهذا انا والليل ونجـومـه الـثـمـان
نسهر نعاتب بعضـنـا كل الـفـصـول

وهذا ثمن من عانده وقـتـه وخان
يجعل حياته كلها حـرب الـمـغـول

ومشتاقلك يااغلى الغوالي يافلان
وما لاقي لشوقي على فراقك حلول

محتاج لك حاجة الأخرس لـلـسـان
ومحتاج لك مثل الصحاري للسيول

و يـاشـجـرة الـزيـتـون مـاآن الآوان
تعطيني اثمارك ويكفـيكي الـمـثـول

حسبي على اللي مايكلمني عـشـان
يرمي على ظهري غيابه والحـمـول

أبو وفي العاني