[اللحالي]

روّاد منتدى اللحالي الجميع
السلام عليكم ورحمة الله وبركاته
وإلى الآتي في هذا الموضوع لعلّه ينال إعجابكم : وذلك غاية المطلوب

؟ مفاده رحلة ثلاثة حروب :بعد مربعانيّة 38 هـ الرحله مبتداها بعد اكتمال افرادها من عنيزه مرور بعدّة مدن منهن المذنب وعلى النفود شرقه وعلى طريق المستوي إلى شقراء ومن ثمّ للقصب وما قبله ومابعده من هجر إلى شمال الرياض ؟ وفي فياض الخفس الغداء والعشاء في شعبان الطّوقي و بعد ذلك روضة التنهاة وفيها العشاء والمبيت الثاني وفي الصباح الفطور وبعده العوده للقصيم مع طرق صحراويّه حتّى أم رجوم ثم على طريق أم رجوم وما بعدها إلى المجمعه :الغاط :الزلفي القصيم (ماتلاحظون تكرارأسم ام رجوم)
حبايبي ؟تعديد بعض المدن أوّلاً ليس للحصر ؟ ثانياً , مقصود في نفس كاتب الموضوع لقصد له مع رفاقه / بعد الإطلاع على كامل الموضوع قد يتبيّن لمن يدقق في الموضوع المهم أن الآتي إن شاء الله يعجب الجميع

وإلى افراد الرّحله هم على الاتي
من يمين الصّوره للنّاظر بالشماغ الاحمر محيميد ابو فارس و عن يمينه عوّاد ابو محمد ويظهر خلفهم اللحالي ابو سلطان




في فـياض الخـفس مع خوّة نشاما
ينعـشـون الرّوح في كل المـناوي

أنت - يا عوّاد - من حرب - الكراما
و الفـعـول اللي تنومس كلّ راوي

وأنت يا محيميد من حرب الحشاما
في حـقـوق الجـار مذهبهم نقاوي

كان قلت - أبو محمد - له - مقاما
عالي - المقدار في طيبه - رهاوي

وأنت أبو فارس وفي طـيبك تمـاما
تبذل - المجهود - وتشيد الحداوي












احبابي تغدّينا بفيضة الخفس الجنوبيّه وبعد ذالك مررنا على احد الخفوس بجبال الطّوقي وانطلقنا لما؟ شمال الفيضه الشماليه قبل الغروب لمعرفة مراحنا وكانوا خوياي في مغدّانا يقولون انّا ماجبناك هنا إلاّ لجل تسيح القريحه على كل شكل وانا بدوي مدري وش يقصدون بالقريحه هههههه لكن انّي واثق ان مافيهم شاعر وإلاّ كان ماتكلمت من البدايه؟؟ لذالك قلت يمكن قصدهم : بسيحان القريحه على كل شكل ؟ يقصدون تعدد وتنويع التّعابير / لذالك قلت اجيب مايطري على بالي كلّها صفصفة كلام وتجوز فيه التّسليه و إلى الآتي



بداية شبّة النار وهواشي مع الغالي ايوالله
قلت
ياطـيوف الفكر من كل النّواحـي
هاتي اللي تاجدين من الجزايل

الله اللي عـالمن دافـع بياحـي
لأخـويـاي بـصـادق التّعبير قـايل

انتم اللي طيبكم فيه انشراحي
دون قـاصـر في كريمين القبايل


وفي الصّباح يالله صباح خير



في شمال عن فياض الخقس امرحنا وفي اجمل وناسه مع الطّيبين والحمدلله على فضايله اللي لاتعدّ ولاتحصى واثناء السّمر طرى لي الآتي


رحلة - شباط - حاسمها ثلاث حروب
وكل - واحـد - مـع أفكاره بتلسـكوب
والنّوايا - تبرهن - لك - حجايجها

مير ياللي تسولف لي على المقلوب
تحسب أنّي على مفهومك المسبوب
لا تجـدد - جـروحٍ وش عـلايـجـها

خـلنا نقـضي الرّحـله بحسن أسلوب
كل مـنّـا مـع ايّــامـه عـلـيـه اذنـوب
و الليالي تصـارعـنا خـلايجـها

كان في نجـد مـرثاعـك بدرب ذهـوب
أقصر مجامحك وافطن بمشي الدّوب
البراري - وسـيعـاتن - فـجـايجـها

اعـرف إن المـزوح وكثرهـا مـعـيـوب
تغـفـلك عــن كلامن مـنطـقـه مـثيوب
لا تعـربد من هـروجك سـمايجها
::::::::::::::::::::::::::::::::

(في روضة التنهاة ؟؟؟؟؟؟









ليه - يامحيميد - زعّلت - التجار
ذا جزا من حطّ -بالتّنهاة - سوق

رغم برد شباط و سموك -الغبار
وانت من عند المباسيط وتسوق

حاسد - النّظرات - في عزّالنّهار
لو - مجامل - خير و الله لايعوق

مير في عمياك واللي - صارصار
يالله - التسهيل في كل الأوفوق


مبداي ياللي في صروح العلم في رتبة مُهيب
تيجانها وانجومها - تجلب - عليّ - اعلومها

واتهمت فكري في وغى تلويمها يقنب قنيب
على ديارن مـا بـقـى بالأرض غـيـر ارسومها

وهذي ديارن في كنوف اجبال منظرها رهـيـب
مـاني بــ قـايـل اسمـها وأنا ماعرف اسلومها

يا كلمتي من منطق لساني عسى لك من مجيب
يعـرف مفاد - الكلمه - اللي يا غـزر - مفهومها

لو أنشدك ياللي من المعشوق بك جرحن عطيب
عبر - السّنين - اللي - بها ليلتك - تطرد يومها

أنا ادري إنّك مستحس ومن حسوسك مستصيب
من سـاعـةٍ جـمـيعـنا نجـهل بوقـت أقـيومـها



هات - القلم يابو محمد و ألاوراق
ما ناثق - الجوّال - على الوثايق

اللي على الكهرب نفوعه تدمشاق
و الفرمته - من شانعات -البوايق

و انا نفد - صبري ونشفنّ الارياق
و اسمع من التعبير رمز الحقايق

صبري على محيميد ماعاد ينطاق
لو شفتني - ويّاه - و البال رايق

تراي -انا ويّاه - قشران -الألواق
عبر - السّنين -و للملاوق -لحايق

معارك الصحبه مديدة - تصلفاق
يالله - تكفينا - شرور - العوايق

حبايبي الجميع

؟ آخر هوشه مع ابو فارس لعام 38 هـ
ولي مع ابو محمد ان الله عطانا عمر لحيث انّه ماينغفل عنه هالسباطي ؟ و انا قصدي مبرّه ومصفوط الله لايخسّر

والعذر والسموحه من الجميع عن التقصير وافراد الرحله قصدهم اسعاد الجميع ولو باليسير؟ الله يسعد عموم المسلمين وينصر منهم المجاهدين

اللهم صلِّ على محمد كما صليت على ابراهيم

دحمان-الحاج معجب بهذا