[اللحالي]

في براري القصيم احد الطلعات الشتويه وشبة النار مع الأصدقاء الجزلين الله يبيض وجيههم ومن يعز عليهم الحمدلله اللي رزقني بمعرفة رجال أوفياء بالصداقه والخوّه والكرم وحسن الخلق والشجاعه لو دعا لها داعي... في كثير من الرحلات بعديد من مناطق الوطن الغالي بترابه وناسه ومقدساته...... ولكن هذه الطلعه بأحد براري القصيم تمهد لماهو ابعد وتورّيت هالبيتين وألتمس العذر من رفاقي حيث حقوقهم اكبر من ذالك بكثير يشهد الله وفي هذه الطلعه

عواد عبدالله الحربي ابو محمد
فلاح صقر الحربي ابوتركي
محيميد راشد الحربي ابوفارس
سعود عوض الحربي ابوعوض
عبدالله عبيد الحربي ابوتركي
صالح حجاج الحربي ابوخالد
واللحالي... هالشايب قصدي الشباب
وإلى الكلمه التاليه والمعذره والسموحه من الجميع

انـا. لي.رفـاق و كل مـنـهـم طـبـيـب آلام
من أبناء قبيلة حرب نـعـم ابـنـا أعـمـامي

لـيـا.. هـاجـت. الآلام في نـدبـة الاسقـام
بعـثت اتّصال وجوا لي أجـزال الإكـرامـي

مثل مايقـال ان الـظـّهـر يـنـشـدد بـحزام
و مـثـل مـايـقـل الـعـدّ يـارد لـه الـضـّامي

نعم جعلهـم في عـافـيـتـهـم مـداد أعـوام
اللي عشت معهم بالـوفـاء حـلـو الايـامـي

انا أرجيك يالخالق ومحيي رمـيـم عـظام
عساني مجمل عـنـد مـن طيـبـهـم سـامي

انا أشوف واحدهم لصدري بوصـف وسام
وعلى الرّاس ياعقالي معك ربعٍ احشـامـي

لو أكتب عن الجـزلـيـن مـاتـوفـي الاقـلام
وتبي تتـعـب إديـنـي بـتـدفـيـع الاقـلامـي

لكن نيشـنـة كيـبـرد بـمـخـاطـبـات افـهام
وعسى في رضا ربعي تحقق لي احـلامـي

همس الآيام ,اصايل ,دحمان-الحاج معجبون بهذا