[اللحالي]

الــشـعـر يــاشـعـار عــقــد مـزاجـه
ومـايـهان شـعـر لــه مـعزه ومـقدار

قابلته مـدنـّق مـايـرفـع حـجـاجـه
خـجلان مـن نـاس تـعرفه ومحتار

عـاجـز يـمـيز صـحـوته وانـعـواجه
كـــل تـغـنـى فـيـه جـاهـل وثـرثـار

وطـاح وتـكسر مثل كسر الزجاجه
واصـبح شظايا ياهل العرف وانهار

مـعـذور لـوقـدم عـلـينا احـتـجاجه
وأشـهـربسيف يـاهـل الـشـعر بـتـار

وهـاجم لـه أقـزام هـدفهم أحراجه
وحـنا مـعه نـاقف ونـاخذ لـه الـثار

ونـصمد مـعه حـتى يـعيد ابتهاجه
وألـلي يغلط بنصير في حلقه زرار

الـشـعـر لـــه نـقـادتـعرف خــراجـه
مـرفوع قـدره عـندهم سـر وجـهار

ناس تعرف ألما ء الحلومنً هماجه
جـزلين في نظم القصايد والاشعار

تراء أغتلاس الشعر عيب وسماجه
عـقب الـغلط مـايفيد تبرير واعذار

ألـكـذب فـيـروس صـعيب عـلاجه
الله يـجـنـبـنا الــبـلاوي والاشـــرار

الـشـاعر الـصادق قـصيده سـراجه
يُـبين نـوره لاخـتفت بـعض الانوار

والـشـاعر الـكـاذب مـصيره يـواجه
حـقـيـقـتـه لازم تــبـيـن لــلابـصـار

وقـلته وانـا مـاقصدي أثـير حـاجـه
ثـورة شـعر فـي داخلي تشتـعـل نار

وكـل حـسب ذوقـه يـقول بمـزاجـه
وجـهة نظر والناس مثلي لها انـظـار


ســـــــــعــــــــود الـــــمــــســــعــــد