[اللحالي]

ياراسي. اللي يصطفق. فيه طاروق
من ليلة... البارح... يراود... خيالي

طاروق. لامكرر. و لاهوب. مسروق
ينحت. على صم. الصخر والجبالي

لاسمعه.. اللي يتقن. الفن و الذوق
يحتار.. في وصف البيوت الجزالي

ياقلب.. هود. جارك الله من العوق
لاتهيض اللي من عنى الوقت سالي

لأنيب. لاعاشق. و لانيب.. معشوق
و لامشتكي.. من هم. جور. الليالي

المرجله . قلبي. لها. يحن. و يتوق
من شانها. أرخص .كل ماكان غالي

وأناأدري اني مع هل الجود مسبوق
مانيب. الاول. في. علوم .الرجالي

من لاصعدبالطيب في راس شاهوق
يصفق. من الحسره يمين بشمالي

العمر فرصه نعطي وناخذ حقوق
مانضيع.. ألفرصه.. لاجانا مجالي

والهاجس اللي للكرم هزه الشوق
باسقيه. من نبع. القصيد الزلالي

اما سكنت. بقمة الشعر من فوق
ولا أحتويته.فوق فرش وزوالي

وصلاة ربي عد مايصاغ طاروق
على.. ألنبي. أعداد. نقد. الريالي

سعودالمسعد