[اللحالي]

والله انّي ضايقٍ و ابغى. الوناسه
ولاعرفت منين اوجه في طريقي

صار. في. عقلي. تردد و انتكاسه
وحالتي...صعبه و لاتسر الرفيقي

راسي. المطنوخ. مايجلي. عماسه
غير... دلّة بنّ... يقفاها... البريقي

في مكان.. مادهلوه. اهل الدناسه
مايجيله.. غير من ساسه..عريقي

والمعزّب طيّب ٍ من طيب. ساسه
يكثر الترحيب في وجه الصديقي

لالفاه... الضّيف.... يتوقد حماسه
لويطوّل... مايكل... و لا. يضيقي

وسالفة رجال غط الشيب.. راسه
لاسمعها... غافل(ن) عقله. يفيقي

من صداها.. ينتشي. عزمه وباسه
وتنقذ اللي في بحر همه... غريقي

والحظيظ اللي فرق من بين ناسه
عايش ٍ. في. دنيته. حرٍ... طليقي

ما أدمن مخدر ولا استسلم لكاسه
صاين(ن) نفسه عن اللي مايليقي

واضح ٍٍ.. قصدي و لا يبغي دراسه
عادتي....ماقول...هرج الا حقيقي

سعودالمسعد