[اللحالي]

من لايـقــدّر مـن يجيــه وعنـاله
اخطا. سمات.. الطيبين و جهلهـا

ومن لا يجازي. بالوفا من وفـاله
قصــر ولا رد. الجمايــل. لاهلهــا

ومن لاشترى ستره بغالي حلاله
يجيـه لوم. اللي على اللوم ولهـا

ومـن لارتكى.. للكايده باحتمـاله
مــاقيـل. شيـال الحمول وثقلهـا

و مـن رام للعليا بهـا الطيب نـاله
في همته. روس. العلالي وصلهـا

و من لاصبر. ماهو بكاسب جماله
الصبر.. مفتاح. الفرج في مثلهــا

و من لا يساعـد. لليميــن بشماله
مــاكل. شغـله. كايــده يشتغلهــا

ومن لا شرب من جمها في احباله
احبــال. غيــره مــا تــروّي بللهــا

ومن لا يدوس الراي فـي كل حاله
لايــامــن اخصامه وكثـرة احيلهـا

ومـن يتبــع المقفـين زايـد اهبـاله
ديــره بــدل ديــره ودارٍ بـــدلـهــا

ومن لا ذكر في خير لا جـا مجــاله
اكيــد.. مـاخـلف حسانـي عملهـــا

ومـن لاستشـارك صِـد مالك وماله
لوهي مشت بـه كوس والا عـدلها

ومن يستمـع فـي قـول نمـام قاله
انغـث بــالـه والاشــاعــه نــقلهــا

ومــن لايـهـذب بــالمـروّه عـيــاله
ما فـاد فعل اجدادهـم و مخولهــا

ومـن بــر فـي والديه يـا حي فاله
وصل الرحم. ماجور منهو وصلهـا

ومــن لاجتـهـد بـالديـن واعـزتـاله
دارٍ رحــل منــهـــا ودارٍ نـــزلـهــــا

حسين عبيدالله بن هندي