[اللحالي]

تنشّـدت عـن طـلال خـيـال قـرنـوسـه
ولاجـاب لي عـن مانشـدته سـواليفي

يمكن العلوم اللي نبي عنه مدسوسه
او مـاهـو بكيفـه و لا هو عـلى كيفي

يقول الظـنون اللي بالافكار مـريوسه
ورى صـمـتها مالي عليها تحـاسيفي

ولكن تبي كلمـه بلاصـوت مهـمـوسه
ســدود العـربـيّـه مـاهـو سـدّ بـرليـفي

لو انّك تعـرف الهند سيخه وهـندوسه
مانت بعارفٍ وش بالعرب من تخاليفي

قلت ارسل له رساله عن مكاون الدوسه
لعـل و عـسى له من جـدوده تعـاريفي

يوم الوقت في هذا الزّمن صابه إيبوسه
الا وا عـنـانـا مـن كـثـيـر الـتّـخـاويـفـي

اللحالي الغيداني
,,,,,,,,,,,,,,,

ياحيّ الجواب وحي راعيه وعـسـوسه
هـلا مـرحـبا ياناشـدن عـن تـصـاريفي

لي ايام ماشفت الهنا من هل الحوسه
إلينك لفـيـت بـقـاف بـدّل عـواصـيـفي

انا ماني اللي فكرته دوم مـحـبوسه
ولاني عـمـيل مكسرين المـجـاديفي

تنشّـد وتلقى الدر بالبحـر محـروسه
عـليها جـنودن نوب ماهـم مـواليفي

ليا جـاهم الولهـان يحـتار بهـجـوسه
ويرتاح بعض احـيان كنه عـلى ريفي

يقـولون شيوخ الهند عـبّاد جاموسه
وانا اقول به بالعرب ولف ومعاليفي

عـليل.. الكـلام اللي نواياه تلـبـوسـه
تشوفه من المهموج ياخـذ تراشـيفي

طلال الغيداني

اصايل معجب بهذا