[اللحالي]

ماتساوى جرح والمجروح قـيمـه
دام من يجرح تغاضى عن فعوله

وماتطيب النفس والذكرى أليمـه
والقساوة ماهي أفعال الرجـولـه

وحامي حماها يدافع عن حريمه
لو حداهن شر يلحقه و يـطـولـه

والنوايا ماهي بخـبـرك سـلـيـمـه
شي مانسـمـعـه مـانـقـدر نـقـولـه

والعواقب عقبها صارت وخـيـمـه
لا تـكلـمـني عـلـى دور الـبـطـولـه

ساعة الفرقى على العاشق عظيمه
وساعة الملقا على الغايب تهـولـه

وكل كلمة ودها ناس ن فـهـيـمـه
وكل مكتوب ٍ وصل لك من رسوله؟

والله اني ماسكتت الا حـشـيـمـه
والا هاجوسي ترى تركض خيوله

وكل خيمة وبعدها مليون خيمـه
وكل مـنـا لـه مـكـانـتـه و نـزولـه

وكل بيت وله معي.قصة حكيمه
ولا تحسب اني كتبته بالسهـولـه

إلا أنا حـسيت بأحساس اليتيمـه
أو يتيم ن مات ابـوه ولا أبـو لـه

حسبي الله صرت للجايع وليمـه
ياكل بلحمي ويدعسني برجولـه

وأشكر الله دام لي نفس ٍ كريمـه
مالي الا الله وانا حـالـي لـحـولـه

وعاد ماعندي خبر عادت حليمـه
وعاد ٱخر بيت لي نظرة خجولـه

ابو وفي العاني

لا تنتظر من ناكر الطـيـب مـعـروف
ولا تشتكي للي استماعه لـك عـدم

إبصر على معنى كلامي والحـروف
دمـع ٍ تـنـاثـر مـن احاسيس الـقـلـم

وإن طال ليل ن ماتخليه الـظـروف
بكرة يبان الصـبح و الـسـالـم سـلـم

وسحرالفضانجمة على الباقي تحوف
وحال البشر يحتاج له عقل ن فهـم

ومن عاد يقضيها مع ضرب الكفوف
مـايـبـنـي الـلـي راح مـنـه و انـهـدم

لكن بـقـوة عـزم تـمـحـي كـل خـوف
الحلم يصبح لك حقـيـقـة مـو حـلـم

وياموسم الزهر الندي حان القطـوف
ويـاخـاسـر عـزومـك ولا فـاد الـنـدم

ويـا غارة الله وحـدي كل الـصـفـوف
و أسـيـاد حـنـا..لا تـحـسـبـونـا خـدم

وعمر الأسد ماينقلب أصـلـه خـروف
وحال الدجاجة ماهـو بـحـال الـغـنـم

وغظ النظر عن حرة الأصل الـهنـوف
لا تاخذ الا الطيب و الأصل الـحـشـم

وكم راحت بيوت الشعرحسن الوصوف
ومـاتـرجـع. الا لـو. فـديـنـاهـا.. بـدم

ويالله عسانا في حمى الكعبة نطوف
ومن مات مـنـا تـرحـمـه يـاذا الـرحـم

وقاف ابتدى بالأوف ياحسرة وأووف
و قـاف انـتـهـى بـال م مـعـنـاه الألـم
ابو وفي العاني