[اللحالي]

كسب القلوب اولى من أموال ٍٍ تـزول
والاّ. الـدراهـم حـالـهـا حـال الـقـطـار

ساعة صعود وساعة ن فـيـهـا نـزول
وسكة عليها الكل ماشي بـأخـتـصـار

والعاصي اللي مارضى فيها المـثـول
ساعة زمن تغني عن العـمـر انـتـظـار

وإمـا تـعـيـش بـعـز أو مـافـي قـبـول
و أثنين لا ثـالـث لـهـم عـنـدك خـيـار

وياقلـب لا تـحـزن على وردن. ذبـول
بكرة يـجـيـه الـمـاي ويـرد الـخـضـار

وحال الجبل ماهو مثل حال السهول
و الليل مـاهـو لـيـل لـو جـاه الـنـهـار

وماكل من في خاطره شي ن يقول
أحيان في كلمـة تـشـب الـقـلـب نـار

ولو عمرنا يخلـص على ذولـه وذول
ارواحـنـا تبقى مـثـل شـوف الـغـبـار

واحلامنـا لـو مـاتـحـقـقـهـا الـعـقـول
كان السراب يكـون و يـروح الـوقـار

وقلبي وانا في خدمة الطبع الخجول
الـلـي لـيـا جـار الـزمـن مـايـوم جـار

وألف الصلاة ثم السلام على الرسول
وظل بيته وعترته وصحـبـه الـخـيـار

ابو وفي العاني

مـابـاغـي الا نـاكـر الـطـيـب و الـجـود
و الـلـي.. ضـمـيـره مـايـأنـبـه. مـرتـاح

وإبشر بعـزك. دام. هـالـكـف. مـمـدود
عينين لك وحدة هـنـا وثـانـية افـراح

و الـلـي. يـدوّر.. زلـة. الـغـيـر مـنـقـود
حنا خـذيـنـا طـعـنـة الـظـهـر مـفـتـاح

و اللي هـجـره الـنـاس والـلـه مـقـرود
أرض ن. بـلاري ن. وش يـفـيـد فـلاح

وش صار حتى نكره الناس ياسـعـود
وليامتى نحـمـل عـنـا قـلـب و جـراح

ليت الـزمن يـرجـع مـع ظبـاء وجـدود
وليت احضنك يمة على ضوّ مصـباح

والبارحة شفت الفـرح بـاب مـسـدود
ضحكة صفا راحت مع عـمـرنـا الـراح

طقيت كفي و قـلـت ذبـلان هـالـعـود
كـلـهـا. خـسـارة مـابـقـا شـي مـربـاح

وماعاد لي في خاطري شـي مـردود
واللي عـطـيته راح يـاصـاحـبـي راح

وأبقى كريم الأصل مادمت مـوجـود
والورد مايبخل على الـعـطـر لا فـاح

وياقلب لك وقفة على صرح مشهود
ومن طاح طاح وباقي القلب ماطاح

والشاعر اللي ماوصـف شي بـحـدود
ياجعل عمـره مـاكـتب شـعـر او بـاح

والمستمـع لـو بـلـل الـدمـع الـخـدود
لا تحـمـلـون الـهـم لـو قـال أو صـاح

وحـنـا رجـال الـيـوم و الـزود لـلـزود
و فعولـنـا تـطـلـع مـع الـفـجـر لا لاح

ابو وفي العاني