[اللحالي]

يبان فـرع الطيب في طبع راعـيه
الله يـرحـم من زرع طـيـب فـيـنا

ولاخاب من كانت سليمة مساعيه
وعوذا من اللي كان حقـده دفـينا

الراقي اللي حافظ الدرس واعيه
حـيـن ارتـقـا خـذنـا معـاه ارتقينا

والهامل اللي منت حاضر وداعيه
هـذا هـو الـلـي في رداه ابـتـلـيـنا

ومامات من كان ابعدالناس ناعيه
وإن غـاب عنا عمـرنـا مـانـســيـنا

ومقرود يامن بالخطـايـا ذراعـيـه
ويـارب هـونـهـا عـلى سـامـعـيـنا

ابو وفي العاني

وش حيلتك في عذر اردى من الذنب
لا جـالـك بـيـوم هـو مخـطي ويتعذر

طق الرؤوس أحيان في الحايط الصلب
يـاتـاخـذ الـحـق. يـاراسـك. بـيـتـعـور

واللي دواه الكذب لا يـتـعـب الـقـلـب
القلب ماهو مـثـل مـاكـنـت مـتـصـور

وعل وعسى لو جاك خلك على جنب
الفـال مـاهـو زيـن و الـطـبـع مـتـهـور

والكذب ماهـو زين مـلـعـون ابن كلب
وضرب العصا له فرق عن بندق يثوور

وياصاحبي سويت من شـرقـهـا غـرب
ولا عاد فيني حـيـل عن غـيـري تـدور

وماني بناقص ضرب ياجدول الضرب
الـبـال مـالـه خـلـق و الـعـلـم يـتـطـور

ولولا الذكا والحلم مانـكسـب الـحـرب
ولولا الخطا مـاكان من سـامـح وقـدر

ولاني عديم احساس أو قاسي القلب
وإن زاد حملي ترى ماني ب مـتـغـيـر

ابو وفي العاني

على مرقابها وأعلى ولا حان الـذكـر سـمـها
فتحنا جروح ماتشـفى من اولـهـا لـتـالـيـها

رقينا والرقى اصعـب ولا هـمـك ولا هـمـها
وطاحت دمعة ن حرة على من كان مغليها

و بعثرها قديم الـشـوق.لـكـن الـغـلا. لـمـها
و لـمـلـمـهـا ورتـبـهـا ولا يـشـتـاق. يـذريـها

ولا عند اللزوم أفصح كلامـه لـيـن عـلـمـها
حروف الأبجدية ذي قواعدهـا و مـبـاديـها

سحاب الشرق لويمطرعلى غرب السماتمها
وياسحرالجنوب إبطل تحرى سحر غربيها

ركبنا موجك العاتي ويابحر الدجى افهمها
لنا مجذافنا الاقوى من امواجك ومافـيـها

وياحب الظنا اغلى وبنت ن تشتكي لأمها
تصارحها وتنصحها تـعـود بـطـوع بـاريـها

ولا جاتك على النخوة فلاتجزع وتشتمها
حرام تعاودالشكوى على محراب شاكيها

وحنا من عوايدنا لنا غـيظـة و نـكـتـمـها
متى ماننتهي منها نطـلـعـهـا و نـنـفـيـها

كذاعبرالزمن شفنادروس إعدادهاوكمها
ونحفظها ونتوارث سلوم ن مانـخـلـيـها

ولا خالي ولا خالك ولا عـمـك ولا عـمـها
وكل ن شايل ذنوبه على كتفه ويرمـيـها

وجينا بالسلام اللي يـحـرم دمـك ودمـها
و ربّي غافر ذنوبي يـبـدلـهـا و يـمـحـيـها

ابو وفي العاني

الهاشمي معجب بهذا