[اللحالي]

يـاراحـتي و الـكـف خـاوي ولا شـي
حين امتلت كل الـكـفـوف و تـدلـت

كيف اندفن والناس تـدري انـا حـي
و الـروح عـنـدي بـاقـيـة مـاتـخـلـت

مازلت انا مرفـوع راسي عـلـى طي
هـرج. الـهـوافـي عـمـرهـا مـاتـعـلـت

ومازلت انا مسنود ظهري على خـي
مـالـي انـا. وان كـان. زادت و قـلـت

و مادمت انا والريق ناشف على مي
يكفي النفوس إن كان صامت وصلت

ياكوكب الزهرة معك شمـس أو فـي
و يالمـشتري الناس طـافـت و زلـت

ويالنجم جاك الصبح حين اشرقت هي
وياشمس غيبي بعد مـاهـي هـلـت

ويافاتنة شعري متى تـرجـعـي لي
الروح من بعدك عـن العيش مـلـت

وبعدك أكل لحمي غيـابك وهـو ني
وسيوف هجـرك ٱخـر الـليل سـلـت

وطعنة ورى طعنة وانا مـاقـلـت ٱي
وعسى اليدين الشالت السيف شلت

ابو وفي العاني

اللي نزل من عيني احسن له يموت
لنه في عيني مـات فـعـلا وانـدفـن

واللي يسد الباب لا يـرجـع يـفـوت
ولى الزمـان اللي اسـامـحـه وأحـن

واللي كلامه سم اذبـحـه بـسـكـوت
واعـتـبـره إنـه شـي راح ولـم يـكـن

والتجربة برهان ياصحاب البشـوت
و اللي يـودّك مـايـعـوفـك بـالـمحـن

والعز ماهو مال و بـيـوت و يـخـوت
الـعـز شـي (ن) مـايـقـدّر.. بـالـثـمـن

والمرجلة ماهي تعـلي ورفـع صـوت
واللي جمعته بالـحـرام أصـبـح لـمـن

وهاي الكرة بملعبك واضربها وشوت
ومافي اعز من ريحـة تـراب الـوطـن

ابو وفي العاني

الهاشمي معجب بهذا