[اللحالي]

على الربابه لعب مشعان
وأبدع بلعبه وتلحينه

سرا علي صوتها الرنان
هجيني وانا من محبينه

يوم اللحن حرك الوجدان
غنيت بأمرٍ معانينه

عزالله اني وسيع ابطان
على الدهر مع معاوينه

والامر في دبرة الرحمن
هو ينصر العبد و يعينه

لو رزه الوقت للنيشان
مثل الهدف قدم رامينه

لا صار بالله قوي ايمان
ثابت على اسلامه ودينه

ماهو مخليه عال الشان
لو الخلايق مخلينه

وراي الملا لايده شيطان
مالله بساعي بتمكينه

والنور لاراد ربك. بان
الناس ماهم مغطينه

شاعر وقولي على برهان
متذكره في مضامينه

والصدق عندي هو الميزان
والعرف ماأجهل قوانينه

وأدري جهز فارس الفرسان
صعبه تطبق قوانينه

ياصعب فعله على الرديان
يثني على اللي معادينه

أثر الثقه ملح للانسان
من دونها الرجل يا شينه

اصايل معجب بهذا