[اللحالي]

ياللي تبون الكلمه اللي هقوتي حول الصّحيح
عنوانها حسب اعتقادي في لجوف الأضرحي

هي كلمة اللي منتشي من ياقطينه مستفيح
متفندقن بين الورق يمـسي وبينه يصـبحي

مـع كلمة التّوحـيد في دنياك يالوجه الـفـليح
شـفـرة سلاحن مع جليل الملك فيها تنجـحي

مع من بعثه الله لخلق الله بعد عيسى المسيح
والعـنـونه بـرسـالـته يفهم بهـا شـمـط اللحي

ولا فيه من يبحث عن العنوان بالقصد الصّريح
اللي مـفـاده جـزمـة الـعـزّام و الـخـدّ ابرحي

ياللي سريت الليل والنجم السّراوي له وضيح
احرص على زوّادتك والسّعـن لو منه نضحي

والله يا وقـتـن به الكلمـه تـضـيـع إنّه قـبـيـح
واللي يعيشه مثل حبّ القمح في جرش الرّحي

هذا عن اللي من عنا دنياه تسمع له فحيح
يبذل من المجهود ودّه لو بساعه يـفـرحي

أمّا الهياط اللي عرفنا عنه من أجل المديح
لابـوه لابـو مـن لـسـيرةعاشقيونه يـمـرحي

لو هو مجامل ما يسرّ الحال والقلب الجريح
من ما تمادوا في سبوب الجرح وشهو مربحي

لو أنشد التاريخ عن ما صار في حقّ الذّبيح
يوم الزّمان اللي به السّاري وبه من يسرحي

كان أعرف الرّاس المناطح لك يالرّاس النّطيح
يمكن يبين الفرق بين الأشعلي والاشقـحي

أمّألزّمان اللي به الواقف من الوقفه يطيح
يلزمني أنشـد عن اللي لـوضـعـه يـشـرحي

حـتّى أجاوب و فالمعقول ماني به شفـيح
وأقول هذا واقـعي مع من فحاصدري فحي

كملي وانأعيد الدّراسه في تصافيح الطليح
لكن كفـوف الوزن بالـمـفـهـوم عيّت ترجحي

ما عادلك فالبرّما يشبعك يا حصان الجميح
والـبحـر ما تـومـن بـه الأمـواج للي يسبحي

مـيـر الحـذر ثم الحـذر ما كل درسٍ به نجيح
وإن ما ردعت النّفس عن طمعاتها لك تذبحي

ياللي بديت الحبي ثم تركض ومن بعده شليح
ثم تبتدي بالهـوجره وتشـوف ظهرك يـدبـحي

معيض الضعيني ,فارس الامواج ,اصايل معجبون بهذا