[اللحالي]

سلام - يافيصل - وسلام ياكويت
يادار - منهم - بالشجاعه -بنوها

باالارض عفريته و بالجو عفريت
و سط - البحر داراتهم -حكموها

بحرآ تخافق فيه سفن ويواخيت
غبطانها - دون الحريب احتموها

مسيرةٍ يفخربها - الحي و الميت
شامت لخومريم على من بغوها

ياطيب المسمت وياشايع الصيت
لك منزله بالروح في بيت ابوها

كنك ملك تامر وتنها على البيت
والمنزله من طيب اهلها ولوها

ولٌيٌت بذكر الله وبسمه وسميت
وقريت وردي والملوك اكتبوها

مؤمن - بما أنزل و فيهم وبديت
ذكرالله - البادي علي من تلوها

ومهمابديت وقلت عنك و توريت
بجمايلك - ياعزوتي - كل ابوها

دايم بذكراها لااصبحت و امسيت
ترجمتها - بأبياتها - و اسمعوها

لوقلت مهماقلت - فيكم وسويت
جميلتي - تسبق واهلك اسبقوها

عويض الغيداني

المردّ

عنّي و عن من في كنفها - تربّيت
يامرحبا - ترحيب - --لافضّ - افوها

مرسولها - لا زان - طلعك و عديت
أسرع من إرماشة هدب إخت اخوها

وأغلى من الكمبودي العود والزيت
اللي - من أقصى - آسيا إستوردوها

وأحلى من الشهد النقي عالي الريت
اللي - من بطون - المسمى جنوها

سورته - بالفرقان - لا من تقصّيت
ستة عشر - ترتيبها - فهرسوها

بالصاحب اللي في مواصله انابخيت
و سريرته - بالشك - ما غثربوها

شاعر - وقرم - وللثقيلات زنتيت
ونوادره - بين - الضلوع احفظوها

على - مواجيبه - شراره وكبريت
ماهو -بمن عرض المناكب عطوها

لو كان في نجد العذيه ورى هيت
وانا بـ هوري - بين - كبر وعوها

قدره - بصدري - حافظه ماتوانيت
اوخوّته - ينبض - قلبها - ما نعوها

عساك سالم دوم لن رحت وإن جيت
أنته ومن - سمع - البيوت و قروها


فيصل عوض

اصايل معجب بهذا