[اللحالي]

بـديت.. بســــم الله و الحمــد لله
الواحـد. اللي معتلي.. بالصفـاتي

مكــرِّم. الإنسان بـالعقـل. يقــداه
يــفـرق. خبائثـهــا. مـن الطيباتي

أستغفر. الله لا شــماتـه..لمن تـاه
رهينــة.. الادمــان.. لمخــدراتــي

استعمل. كبتاجون. لين. انه انهاه
حتى حنوكه. هـرقلن. مرجفـاتـي

وبدا. ضمور. المخ. من سمٍ اسقاه
وسوس وهلوس والعضا ناحلاتي

سهروصداع أوّسْعَت أحداق عيناه
و تحسسن. بالضـوء و محمـراتـي

سِبة. سمــومٍ. من هل الشر مهداه
اســلاح. فتــاكٍ لهــدم. الحيـاتــي

ما اسكر كثيــره بالأدله. عــرفنـاه
حــرم قليله في صحيــح الرواتي

أم الخبـائـث. شـر لو غِيّـر اسمـاه
لو قــيل باور قلت مامـن حـلاتي

بلاك. مع شيـفاز مـا قيــل. قــلناه
وسكي وجنويكر مـن المسكراتي

وشمه. من الهروين. تتلف خلاياه
اليا فقــدها. صـار. خبــلٍ يــهـاتي

مفتاحه التدخين هو ساس مبداه
أبكات. و الا جــراك و مــعســلاتي

ولو أبهج الحشيش يثّر على اقواه
ويبــدد. الاحســاس. فقــدان ذاتي

وجاه. المروج. قال الأفيون جبناه
خــوذه. هديــه. مـا نبــيله جـزاتي

وادمن. عليه. ولا يبدي على اشراه
والعيلته. ما جاب. مصـرف. بتاتـي

وباع القرمبع صاريمشي على حذاه
والبيت بــالأجــار والقســط فــاتي

خسران حال ومال والدين ماشقاه
سـايـع وضايع عـن طريـق النجاتي

لازود فــي دنيـاه ولا اجـرٍ تـرجـاه
خسران فـي دنيـاه و بعد الممـاتي

واليا حضر سبب مشاكل مع ابناه
وقــام يتهــدد زوجتــه والبنـاتـي

وآخر مصيره عمبرالسجن مـأواه
مـا يطــلع. إلا للمصحــه ويــاتـي

يــالله لا تبــلى صــديــقٍ إبـّـلواه
آمين يـالمعبــود. تقــبـل دعــاتي

أوصيك يا سامـع كلامي وتقـراه
أقـلع و بـادر لا يفوت. الفــواتــي

ثـم. اتعظ في ما حصل لا تناساه
سيرة هل الإدمـان فيـها. عضاتي

ارفع مقامك عن هل الشر وانحاه
جنب. دعـاة السوء بكل الجهاتـي

حسين عبيدالله بن هندي