[اللحالي]

( مرثيه)

الا يالله لاتـــغــــضــــب عـــلــــيــــه=
وصـبـرنـي عــلــى هــــول الـبـلـيـه
انـا عبـدك وابـي عطفـك ولطـفـك=
مصـابـي جــل ودمـوعـي عصـيـه
رحــل شـيـخ الـمـكـارم والسـجـايـا=
عــن الدنـيـا تـحـت رحـمـة ولـيــه
رحــل وكـتــاب ربـــه فـــي يمـيـنـه=
عــلــى الــقـــران وافــتـــه الـمـنـيــه
رحل لوهو رحل بالطيـب حاضـر=
فعـولـه فــي قـلـوب الـنـاس حـيـه
شــهــود الله بــارضــه يـذكــرونــه=
بـخـيــر وسـيـرتــه بــيــن الـبــريــه
تراحيب المطر فـي طلـق وجهـه=
وعــلــى نــــاره تــفــوح الـشـاذلـيــه
يجيـه الـلـي طــواه الـهـم ضـايـق=
ويـقـفـي دالـــه مـــن غـيــر سـيــه
عـزيــز الـنـفـس بـايــام الـشـدايــد=
يصـيـد ويعـطـي الصـيـده خـويــه
عـزيــز الـجــار صـيــاد الجـمـايـل=
عـصـامــي عــلـــى ســنـــة نـبــيــه
عـزيــز الـجــاه جــاهــه يـعـرفـونـه=
رجــــال هــونــو مــعـــه الـقـضـيــه
عـزيـز الــدار مــن جـــده وخـالــه=
مــن اسـمـه لـيــن راس الوايـلـيـه
اديــــب يـعـجــب الـنـقــاد طــرحـــه=
تــزيــن بــــه حــــروف الابـجــديــه
لــبــيــب فـــاهـــم عـــــــدل مــعــلـــم=
يحـل المشكلـه لـو هــي عصـيـه
غريب في زمـن جلـب المصالـح=
يـطــيــب ولا يـــبـــي رد الــجــزيــه
حـبـيــب كــــل خــلــق الله تـحـبــه=
عــســاه بـجـنــة الـخــلــد الـعـلـيــه
مـكـانــه مـايـســده غــيـــر مـثــلــه=
عـسـانــا نـقـتــدي بــــه بـالـهـويـه
فـقــيــدة ربـعــنــا عـــــز الــقــرايــب=
بـنــي وايــــل عـزيـزيــن الـسـمـيـه
حـفــظ تـاريــخ وامـجــاد القـبـيـلـه=
نجـوم فـي سمـاء الدنيـا مضـيـه
دمـوع النـاس فـي لحظـة رحيـلـه=
تـهـامـل طـيــة مـــن فـــوق طـيــه
تــحـــرى طـلــتــه كـــــل الامـــاكـــن=
تحـن لصاحـب النـفـس الرضـيـه
كــأنــي بـالـجـبـال الــلـــي رقــاهـــا=
تــنــوح وكـنـهــا بــــارض وطــيـــه
تــلـــج مــــــوزره والـــلـــي وراهــــــا=
وتجاوبـهـا مــن الـحـزن الحـنـيـه
وكـانـي بالمبـانـي الـلـي سكـنـهـا=
تحـلـحـل مــــن زاوايــاهــا الـعـتـيـه
وكانـي بالغصـون اللـي غرسـهـا=
تــشــكــى لــلــريــاح الـمـوسـمــيــه
وكـانـي بالسـهـول الـلـي وطـاهـا=
تـضـيــق ولابــقــى مـنـهــا بـقــيــه
وانا من عقـب ابويـه كـن حالـي=
نهشها مع غروب الشمس حيه
اليامنـي نسـيـت الـحـزن سـاعـه=
ذكــرتـــه بـالـصـبــاح وبـالـمـسـيـه
ولـيـامـنـي ذكــــرت انــــي فـقـدتــه=
فـزعــت وضـاقــت الـدنـيــا عـلـيــه
لانــه محـزمـي هــو تــاج راســـي=
دلـيـلــي عــــن ظــــلام الجـاهـلـيـه
لانــــه شـمـعــة ضـــــوة طـريــقــي=
تــنـــور لـــــي لـــيـــال خـرمـســيــه
لانــــه فـرحـتــي بـــــاول حـيــاتــي=
اراقـــــب بـــــس طـلــتــه الـبـهــيــه
لانـــــه قــدوتـــي لاحـــــار فــكـــري=
مـقـامــه حـــــد وعــزومـــه قــويـــه
وانـــا يـاحـمـود راضـــي بالـمـقـدر=
صــبــرت وهــــذي الـدنـيــا دنــيـــه
عـســاه بـجـنـة الـفــردوس خـالــد=
وعـســى قــبــره مـسـافــات مــديــه