عرض مشاركة واحدة
قديم 07-16-2017, 11:27 AM   #5
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي

عسى الله يجنّبنا الخطأ و الكلام الهاس
وعسى الله يعزالشعب بالدين والدولة

ترا الدين ساس و كل بنين بليا ساس
تـمـوج الـريـاح الـهـوج بالبني وتزولة

دعوني معازيب الكرم والوفاء الهباس
وأنا آجيب الداعي على ضوء مرسولة

هل العرفه اللي معرفتهـم تعـز الـرأس
وهل السيرة اللي بأجمل العزمجـبـولة

هلا مرحبا ترحيب وافي بدون قياس
عددمن وطئ بالكون مع عرضه وطوله

هلا بالجميع و مطلب الرايد العسـاس
أجيب الدليل لمن طلب صح لـفـعـولة

لنا كنز تـاريـخٍ عـلـى بـابـه الـحـراس
ولنا عادةٍ نسعى وراء الـفـوز ونّـولـه

ولنا بنك عزٍ -بالوفاء مايعرف أفلاس
جميع الـودايع عند حـراس مـسـؤلـه

هلا مرحبا باللي لهم سيرةٍ مـاتـداس
مواقف شرف بصدورالأبطال مشيولة

ولنا بالقدايم مـعـجزاتٍ عـلـم للناس
وأنـا كـل مـاقـد قـيـل مـاودي أقـولـه

ولنابالجديد جدادبيضٍ كماالقرطاس
ثـلاث الجوايز كلهن فـوز بـبـطـولـة

دخلنا المزاين بالمغاتير لأجل الكاس
وأخذناه بعد جهود مع ثالث الجولة

وعلم شاعرالمليون جابه قوي الباس
أخذه الطويل اللي رفع رؤسنا طوله

وسلامة ولي العهد دقولـهـا الأجراس
على شاشة المرقاب للكل مـنـقـولـه

وأخذنا بها الأول وصك المجال دباس
مواقف على وضح النقاء مابها سيولة

وترا الشاعر اللي مايحط النقط هلاس
تضيع الذلول أن كان ماصار معـقـوله

أنا ما أبتدع قصّه عليها الغـبـار ألباس
وأسوّي على نفسي عناوين مجهولة

هذاموجزالنشرة عناوين صدق أحساس
و كلامٍ بلا بـرهـان بـالـصـدق وشـو لـه

ابو هايف
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس