11-09-2017, 11:46 AM
|
#1
|
|
مالك الموقع
تاريخ التسجيل: May 2014
المشاركات: 6,507
|
الغيادين
ادري وتدرون الكبر ماهو بزين
والله غمر فيني تواضع وشاعر
(لكن لي فكره تلد بنظر عين
مدري ثقه ولا ذبحها المكابر)
وشلون عاد ان سقتها للغيادين
بالله !! ويش يردها لا تفاخر؟
مثل لاجاكم ضيف جيتوا مهلين
ببشوتكم ودلالكم والمباخر
جتكم وخاطرها مليً من الزين
من دونها تقصر يدين وحناجر
يامرحبا ترحيبةً تبهج العين
يافكرةً ماساقها الا المشاعر
فيكم من الطنخه مايملا دواوين
وفيكم كرم شيخً كريمً وتاجر
م يذبح الا من سمان البعارين
م شح في كثر الذهب والقناطر
حنا سكارى نجد مبطي وهالحين
ومن حظ نجد نسوقها للمفاخر .
ادري وتدرون الكبر ماهو بزين
لكن ذي فكره ذبحها المكابر!
#مشاري فهد الغيداني
__________________
لا إله إلا أنت سبحانك إنّي كنت من الظّالمين
|
|
|