( عسى مرسول بقعاء يلشه )
الـبــارحــه فــكـــري تـــــوارد طـــواريـــه=
قـامـت عواصـيـف المعـانـي تـهـشـه
شــــي يــبــرق بــــه وشــــي يـخـلـيــه=
وشـــي يـحــول بــــه وشــــي يــدشــه
مـانـي عـلـى الدنياكثـيـر المـشـاريـه=
مـاجـابـتـه ســــود الـلـيـالــي تـقــشــه
الله عـــرض لادم خــلاصــة ذراريــــه=
مـــن خلـقـتـه حـتــى نـهـايـة مـنـشـه
احـد مثـل طيـر السعـد فــي مـواريـه=
واحـد عسـى مرسـول بقـعـاء يلـشـه
واحــد يعـيـش مـــع عـيـالـه عـوانـيـه=
واحـد يعيـش وعيشتـه وسـط عشـه
واحــد مـراسـه وســط راســه مكـفـيـه=
واحــــد سـوالـيــف الـعـجـايـز تــوشــه
واحــد مـــن النـعـمـه كـبــار عـلابـيـه=
ودك الــيـــا مــنـــه تـعــشــاء تـفــشــه
عــلــى رفـيــقــه طــايـــرات نـواصــيــه=
لاكـن عـلـى فــرخ القـطـاء ماتهـشـه
واحــــد تـطـشــه بـالـبــلاوي مـبـاديــه=
واحـــد جـبــل مــاكــل شــــي يـطـشــه
واحد وسيـم وخالـق الكـون معطيـه=
واحــــد عــطــاه الله بــراطــم وخــشــه
واحــد عـلـى النعـمـه جــدوده تـربـيـه=
واحــــد فـتـافـيـت الــدســـم مـايـنـشــه
واحـد اليـا شافـك يسـوق المشاريـه=
والــيـــا نـخـيـتــه مـاتـحـلـيـت وشــــــه
واحـد بوجهـك مبتسـم مــن تمـدريـه=
ولقفـيـت بـاطـراف العـراقـيـب حـشــه
واحـد علـى الخـبـرا تخـونـه مواطـيـه=
واحـد اليـا شـاف البحـر هـاج دشـه
واحـــد عـطــاه الله هـنــوف تـرضـيــه=
واحـــــد بـــــلاه الله بـعــوبــا وكـــشـــه
واحـــــد تـمــشــه لاتـــــردى عـــزاويـــه=
واحـــــد فـلــوســه لاتـــــردى تــمــشــه
واحـد طـروش الفقـر بالفقـر ترمـيـه=
واحـــــد دنــانــيــر الـــدراهـــم تـــرشـــه
واحــد عـلـى الحيـلـه كـبـار هـقـاويـه=
واحـــد غـشـيـم وكــــل حــــي يـغـشــه
واحــد تنـومـس بــه وتـفـرح بطـاريـه=
واحـد عــن وجـيـه الاجـانـب تخـشـه
وانا من اللي قلت وان قلت لي ليه=
مـــاصـــوب الــحــصــاد الا مــحــشــه