اللـي يبـي ذلّـي مـن النـاس مابـيـه
مااشفق على قربه ولااشكي غيابه
انــــا زمــانــي علـمـتـنـي لـيـالـيــه
وشلون اطيع الوقت واحسب حسابه
ماكـل صاحـب فــي لـزومـك تنـاديـه
ولاكــل بــارق ينـثـر الـمــا سـحـابـه
ولاكـل جــرح يسـايـره صـبـر راعـيـه
ولاكــل ســاري يــدري اللـيـل مـابـه
ليـت الحكيـم اللـي تـشـرّف مبـاديـه
يبقـي علـى سيـفـه بـداخـل قـرابـه
أو ليـت شعـري يــوم اروّض معانـيـه
ماتـفـضـح المـكـنـون نـبــرة عـتـابـه
يجـتـاح قلـبـي ورد مـابــي واداريـــه
واشره على فكـري واغالـط حسابـه
احيان يجبرني على الـدرب وامشيـه
واحيان اسوقه سوق واشعب ركابـه
البـوح يكتبـنـي وانــا مـااقـدر اخفـيـه
واللـي تبـيـه النـفـس مقـفـول بـابـه
ياكـثـر ماشيـلـه بـصــدري واعـانـيـه
مــن كـثـر مـيـلات الـزمـن وانقـلابـه
سعد ناعم السهلى