[اللحالي]

ليت العمر طوله على طول يمناك
*يوم الردي *يمناه ،،،دايم قصيره

لانافعٍ *هذا ،، ولانافعٍ *ذاك*
مثل الحزام ،،*اللي *بليا ذخيره

لاأمتس حبل السالفه عوْد هناك*
**وتبيّنه *سود *الليالي ،*لغيره*

وصكات بقعا *لاتبيّح خفاياك
عندك خبر ،بان الرحا مستديره

ولاتصير لَعراض المخاليق فتّاك*
ولاتبدي لمن جاك خاف السريره

ولاكل منهو *قال أنا أفداك ، يفداك
اقلوبنا ،،ماهي كفيفه،،،بصيره

زلّة رفيقك *لاتجيبك من أقصاك
*حاول تجاوز لك ،،،،،أمورٍ كثيره

ولاهوب عيب انك تعذر من اخطاك
السالفه *لاتطول ،،وهْيه قصيره

شاور لبيب العقل فالشور يقداك
وأما قليل *العرف،، لاتستشيره

ولاتدْخلك *شكه ولاتصير شكاك
*عامل بطيب وكل شخص وضميره

وزلات ربعك لاتعلم بها اعداك*
السيف له هيبه وهو في جفيره

وإن زاد مالك لاتصره بمخباك
لاتذخر الماجوب دون *العشيره

واليا جفيت أقرابك ،الناس تشناك
*ربعك ،،حزامك بالامور العسيره

وخل التواضع ميزتةْ من مزياك
لاتحمْل إمن الكبر كبر *الشعيره

وحذراك تعصا والدينك ومولاك
*رجلٍ *بليا ،،* دين ،،،مافيه غِيره

وان كان ماحشت المراجل من اصباك
* * *إفعول *جدك ،،،*ماتوديك ديره.

الشاعر زويد الهويملي