[ابو مناحي]

=نايف الشويب
سلامٍ مني لأبو مناحي=سلامٍ احلا مـن السكـر
القـاف نـاداه مشواحـي=ومعناي صافـي ولا غبَّـر
=ابو مناحي
يامرحبا فيك ياصاحي=إعداد من هلـل وكبّـر
أخيّل البرق لو لاحـي=كان الحيا مزنـه مزبّـر
=نايف الشويب
القلـب ياصـاح ماارتاحـي=والخـاطـر اشـوفـه مـكـدَّر
يوم الغظي سافر وراحي=الفكـر مـن عقبـه مبعـثـر
=ابو مناحي
ما الوم قلبك يلو ناحـي=من شي مكتوب ومقدّر
ياطير لو عندك جناحـي=مـاكـان يمـديـك تتصـبّـر
=نايف الشويب
يـمـه غــدوي ومـرواحــي=صادفته في شارع المعذر
ليته يلملم لـي اجراحـي=دام انـي فـي حبـه متأثـر
=ابو مناحي
اثريك بمخطط الضاحي=من شوفة الزين متخدّر
للجـرح دكتـور جـرّاحـي=كان الألـم منـه متصـدّر
=نايف الشويب
نـور القمـر صـار وضاحـي=شفته على الزين متحدر
امرح على خده امراحـي=واصبح من الزيـن متعطـر
=ابو مناحي
كان الحيا تـو ماطاحـي=اتقـلـل اريـــاك واتـكـثـر
مامن ورا طرده ارباحي=لاكــن مـنـتـه بمتـعـبّـر
=نايف الشويب
لبنان في جوه سياحي=كم واحدٍ صوبـه مدحـدر
فيـه المزايـيـن ذِبَّـاحـيي=اهيه ويـن انـت متأخـر