بارك الله فيك ابوسلطان نعم هذه القصيده للشاعر ساير بن راجح بن عجل الهويملي الحربي كماذكرت
وهويسند على اخوه سرور وخوه سرورشاعر لايقل عن ساير ولكن يحب قصيد اخوه ساير ودائماً يستفزه بقصيده حتى يجبره على الرد وله عدة قصائد يسند على سرور وكذالك قصائد فخر وقصائد غزل وقد كتبت له عدة قصائد في مجالس حرب لمعرفة شيبانا بساير لصلة القرابه حيث خوال ساير البلايجه ويعرفون عنه الكثير وحفظنا منهم بعض قصائد ساير منهاقصيده فخر ألقاها أمام الملك عبد العزيز بعد إنتصارحرب على احدا القبائل التي غزتهم قبل توحيدالمملكه وقبل مبايعة حرب للملك عبدالعزيز مطلعها
أتكلناعلى اللي يعلم الخيره
واحدٍله جميع الملك فرداني
بلهنادي رعينا عشبة الديرة
درةٍ ..............................
أما القصيده السابقه مناسبتها والله اعلم كان ساير يحب وحده من بنات الحمائل المشهوره من بني تميم اهل الجبل في منطقة حائل عشق شريف وخطبها واكانت الأمور ماشيه تمام ولكن في اللحظات الأخيره اعترضوا ابناعمومتها وجماعتها وقالو فلانه لايمكن ان ياخذها اجنبي بذل ساير كل مافي وسعه لكن كلها وصلت الى طريق مسدود وأيس سايرمنها وبدا بنظم الشعر وكذالك له قصيده اخرى يقول
ياسرور قلبي مايحب النصافي
ومدور اللغوات بلسان غيره الى اخر القصيده
وقصيده اخرى يقول
كريم يامزنٍ نشاء العصر مزبور
جعله كريم ولايجيبه نكاده
وعساه على دار الأهل ياخذالدور
ياخذثمان أيام ويافي اعداده
ياسرور سلملي على العود ياسرور
سمح الحجاج اللي بعقله ركاده
عسى مايجري على العود حادور
ولياوفت تطري عليه الشهاده ....الى اخر القصيده
وله قصايد اخرى اغلبهاغزليه....
وعذرا على الأطاله وكذلك اعتذر عن اكمال بعض القصايد اما لأخصوصيتهابحدث معين أوكسلي من الكتابه.............
بقي ان اقول لكم قديكون فيه تكسير في بعض الابيات من النقل....
تحياتي لكم......