[اللحالي]

كيف استبيحك وانتي أسوار الحدود
وكيف استغل الوقت و غيابك عمر

لاجيت اشوف الدمع يجري بالخدود
شفت الهوان وقلبي يعصرني عصر

يا روضة أحلامي ويامعنى الوجود
ياقوة الجيش الكبير الـمـنـتـصـر

ماغير لله ينحني راسـي سـجـود
وماطال شوقي الا لشوفك يالبدر

ردي وهو معروف من بين الردود
في كل ماتكتب يديني من شعر

اعاتبك و الحب في قلبي يـزود
أتوق لك وإن قلت تامـرنـي أمـر

ياطعم حبات العنب بين الـورود
طعمك وعطرك واختلط فيهم سحر

شتان مابين المحبة و الـجـحـود
كالفرق مابين الكبـيـر الـيا صـغـر

اكـزهـا لـبـعـيـد و الـقـاهـا. تـعـود
واضمها مابين ايديني و الـصـدر

فيها من أذكار المساء دعوة شهود
تشهد لـهـا كل الـمـعـارف بـالـقـدر

لو نحفظ القانون ونعرف الـبـنـود
كـنـا قـريـنـاهـا عـلـى أول سـطـر

هـي اولا و ثـانـيـا وبـلا... حـدود
هي مذهلة لـكـنـهـا مـثـل الـبـشـر

قانونـهـا يمشي على كل الـقـيـود
حتى لو ان القيد من صلب إنكسر

ريما عليها تاج و الـطـيـب يـجـود
من في حماهاعاش سلطان العصر

ياسيفـي الـبـتـار لـو عـنـهـا.تـذود
ماهو حرام ولا جـريـمـة أو بـطـر

تستاهل اني احارب أنياب الأسود
واموت دون يمسها خاسي بشرر

يللي تعانو في مشـاعـركـم بـرود
هاذي حرارة قلبي اللي مـنـصـهـر

والبارحة ماذقت طـعـم ٍ لـلـرقـود
العين مفتوحـة تـعـايـن. لـلـسـهـر

وتشوف نجم الليل لاشاف الرعود
متخفي بستر الغمـامـة و الـمـطـر

ياليتني لو شفت نـقـاض الـوعـود
واشوف وش رده على طبع الغدر

لو اني ادري مابهـا حـكـمـة وفـود
الـلـي ربـاتـه. غـدر مـايـروي زهـر

يابندقي و الطلقـة اللي مـاتـحـود
حكاية الوجهين وأصحاب الـعـهـر

لبيعها واشري بثمنها نـصـف عـود
ابحش به سنوني من لحوم وخضر

ماجيت اشتم الا انا رجل ن ودود
وادري بأن الوزر لأصحـاب الـوزر

لكنها صارت ثقـيلـة في الـكـبـود
واللي يشيل الهم يغـلـبـه الـقـهـر

بديتـهـا اتـغـزل بـسـحـر الـعـنـود
وانـهيتهـا و الخافي بقلبي ظـهـر

ماني هجومي أو اناني أو حقـود
الا مـثـالي في زمن رقـمـه صـفـر

ياليتني لـو مـالـقـيـتـك يـاسـعـود
والناس تكتبك بقصيدة أو شـطـر

والليل والرفقة مع الخصم اللدود
والصبح والوحدة وطيفك لا حضر

والعقل والحكمة وساعات الشرود
وجلوسي لوحدي على جرف البحر

والحب واللهفة وخوفي والصـدود
والخطوة الأولى على الدرب الوعر

والحيلة الحيلة وشوقي والـجـمـود
واحساسي اني متت من اول شهـر

والظـاهـر اني كل مـا. اتـغـزل أعـود
لـلـي بـشـوفـه كل يـوم و مـسـتـمـر

خـلاص بنسى و اتـعـكّـز بـالـصـمـود
والـلـيـلـة الـلـيـلـة بـعـد مـافـي عـذر

وخمسة وخميسة فعيونك يالحسود
وستة على سـتـة عـيـونـي بـالـنـظـر

والـواحـد الـلـه و كـلـنـا نـاتـي وفـود
يـوم الـقـيـامـة يـوم سـمـاه الـحـشـر

ابو وفي العاني