[اللحالي]

انـا ادري ان الـقـلب مـايعـشـق اثنين
وانا عـشقـت اللي مضى من حـيـاتي

ولـو انـي الـمـاضـي اعـيـشـه مرتين
كـنـت.. ااتـبـرى مـن كـل. شـي. آتـي

قلبي وعـقـلـي ذكريات الـعـاشـقـين
روحـي ونـفـسي والخلاص امنياتي

راسي تـوسـد في فراش الحالـمـين
وأحلـم وانا صـاحـي مـع ذكـريـاتي

ودي سماعي مالقـيت الـمـنـصـتين
احكـي مـع روحي وروحي تحـاتي

ابكي لوحدي لين مـاقـلـبـي يـلـيـن
وامسح دموعي واتـجـه لا صـلاتي

اشكي لنفسي لني من المنصـفـين
نـفـس و انـا ادرى بـهـا و بـغـلاتي

يـاليتـني لـو كـنت حاسب لـلـسنين
وياليتني مـاطـعـت نـفـسي وذاتي

كنت اعزف الحاني على أوتار الحنين
واطرب على صوت المطر ياحلاتي

واقرا عن العـشـاق. كانـو صـادقـين
واشوف حال العشق وانفض عباتي

واسمع لجدي عن زمـان الطـيـبـيـن
واااقـول يـاحـسـرة زمـانـي فـلاتـي

ماني كئيب ولاني الشخص الحزين
الا الحزن من غـيـر مـاتـجـيـه يـاتي

يعـطـيـك مـاوده و يـاخـذ مـايـزين
وتـقـول بـالـلـه من يـسـوي سـواتي

لله في خلقه شؤون. والله المعَـيـن
والصدق عندي في الحقيقة نجاتي

اوصي رفاقي بالصحاب المخلصين
ويـالـيـت الـقـا مـن يـنـفـذ وصـاتي

ابو وفي العاني

من عامي الماضي وساعـاتـي تـروح
ممكـن اقـول ان الـتـواريـخ انـتـهـت

تمشي ويمشي عمري أحزان وجروح
وادري بروحي لا عن جروحي لـهـت

الثلج يللي يسـكن أعـالـي الـسـفـوح
أشـوف لـونـه. يـاتـغـيـر. أو.. بـهـت

نفسي وانا اللي ماتـعـودت الـمـزوح
دام اني العارف بنفسي ومااشتهـت

ماكره سوى اللي مايكلمني بوضوح
مـانـي بـذا الأعمـى ولا عيني سهت

دربي وانا امشـيـه وافـكاري تـفـوح
مـاحـيـد عـن دربـي ولا مـرة تـهـت

اللي يعرف الصـح ويـعـز الـنـصـوح
واللي مايدري لو تحـاكـيـه انـبـهـت

لا تجبرون القلب بالـخـافـي يـبـوح
بحكـي لـكـم لا زانـت الدنـيـا زهـت

ابو وفي العاني

تعبت من المنادى وانت ماتسمع إذا ناداك
بعيد الصوت وانت اقرب علي من نفسي وصوتي

حبيبي والعتب حرّاق وكون الحرق بس لعداك
عـسـاني مـتـت قبل انك تجي تتكلم بموتي

هجرتك بس ماانساك ياعمري وكيف انساك
يغرك بعض ماعندك مـثـل مـا غـرك سكوتي

انا وان كنت بك صابر ترى ماقدر على فرقاك
وتـراني ماني بعـايش ولا بي شي من قوتي

رضيت وقلت مايعرف لقيتك تعرف شدراك
من اللي كلمك عني وانا في وسـط تـابـوتي

حبيبي عـمـري الـمـاضي مع المقبل إذا وياك
اعيشه مثل ما عاشت شفايف طعمك التوتي

وتدري كل ماشوفك اقول ان الكبر مـاجـاك
لو انك تحلف وتحلف اقل لك عمرك بـنـوتي

تغيب وبعدها ترجع وانا راسي على مرساك
وناطـر بـس تـرجـعـلي وبابي منفـتح فوتي

ابو وفي العاني

تدري.عذرت العاشقين لياأسـهـرو
لني سهرت البارحة والوقـت عـاد

أثنين مافي القلب بالـبـوح اخبرو
والليل يكفلهـم على نـول الـمـراد

اللول والماسـة ترى لين أحـضـرو
ماعاد في سعر ٍ بيطـرحـه المـزاد

والحين لا تنسـو كلامي. أصـبـرو
هذا حبيب الليل يكسيـه الـسـواد

علمي ليا ربـيت طـفـلـيـن أكـبـرو
لـكـن إذا ربـيـت لـك عـاشـق وكاد

أن القلوب البيض مايوم أحـشـرو
مع القلوب السود وأصحاب العناد

ياشمس يانجمة سرى الليل أعبرو
على فـؤادي و الـبـشـر كـلـه فـؤاد

أسمي وأسمه لين بـاعـواواشـتـرو
السعر غالي مايـطـيـقـون الـسـداد

كلمة عليـهـا اثنين عـاشـو وأنـثـرو
فيها المشاعـر لين مانـصـبـح رمـاد

سارو مع اللي في سـرايرهـم سـرو
والله يعين اللي قضى حـبـه جـهاد

لا تـقـربـوه. وتـنـدمـوا.هـااا أحـذرو
هذا نصيبي فـي الـمـحـبـة والـوداد

والـغـايـبـيـن أن مـادروا.. والا.. درو
لا تـذكـرو لـيـلـى ولا بـانـت.. سـعـاد

زوله مع الخمـسـيـن عـام اتـبـخـتـرو
ياصاحب العشرين يـكـفـيـك الـرقـاد

ياعاشـقـين الـشـعـر قـومـو وانـشـرو
احلى القصايـد واقـصـدو كل الـبـلاد

زرعـت فـيـه احـلامـي ويـوم أثـمـرو
شديت حيلي لين جا وقت الحصـاد

وزفـيت. لـه. اشـواقـي ومـا بـعـثـرو
وإن بعثرو فالقلب مـايـهـوى الـبـعـاد

وأخفيت دمعي يوم في عينـي جـرو
وأظهرت سني ضاحك ن بين العـبـاد

والـليـل و الـبـيـداء ومـا تـسـتـكـثـرو
والرمح والقرطاس و الخيل الـشـداد

والسيف و مـتـونـي و لامـن تـمـكـرو
والهيل والدلة و ضـيـفـي و الـمـخـاد

واللي خفى في صدوركم لو تظـهـرو
نعرف وش اللي خافي ن فيكم وزاد

والصـبـح أقـبـل و الـنـجـوم أتـبـخرو
والشمس بان الجرح فيها والـضـمـاد

ابو وفي العاني