[اللحالي]

طـاح قصر الكذب والكذاب عـاش
وماتت الكلمـة الصريحة الف مره

من كلام الزيف مايـطـلـع مـعـاش
وما نصدق من حكيه مثقـال ذره

الحياه ماتـعـطـي دروس بـبـلاش
والزمن ماينضمـن مـلـعـون شـره

كل عظم ٍ فـيـك آخـره الـهـشـاش
والممات يفاجـاك في حـيـن غـره

وارتوي بالحب في عصر العطاش
والمحـبـة خـلـهـا لك شـرب جـره

حاش ربك يظلم عـبـاده وحـاش
من ظلم نفسه يلاقي مـايـضـره

ومن ضميره حي طاير كالفراش
ومن ضميره مات من جوه وبره

السلام أجمل طريـقـة لـلـنـقـاش
والوداع أن كان في بسمة مسره

والوجيه اللي يميزهـا الـبـشـاش
ما تكدر صفوتك و الـنـاس حـره

ابو وفي العاني

اخاف من الزمان اللي كسرته قبل يكسرني
يعاود ياخذ بثاره و يمشـينـي على كـيـفه

سنيني الماضية عادت تعاتبني وتـنـهـرني
ووقتي اللي تجاهلته يجيني يلوّح بسيفه

هذاك اللي اخذ عمري فداه العمر يامرني
ويرخص له ويرخص له ولو تغلى تكاليفه

سهـرت الليل ياليلي قبل ماالليل يسهرني
ولولا الصبح يدركني فلا امشي ورى زيفه

ودام الحظ متخبي ورى خـوفي وينظرني
انا باكون لـه ظـلـه و مـتـسـلـي مـع طـيـفه

كتبت ومقصدي خافي وما ظنيت يجهرني
شبيه بجرح المعزب وهو يعزم على ضيفه

اغيب وناوي الفرقا ولحظة شوق تجبرني
أعود وخاطري محني وتحضرني تواصيفه

خياله عايش بروحي واقول الله يصبرني
وعمق البحر واهواله تبي قوة مـجـاذيـفه

عبرت ولاني بلاقي مراكب شوق تعـبـرني
هديت وماني الهادي من الكون وتخاريـفه

وماني وحدي الخايف ومثلي اللي يخبرني
نـواسـي بـعـضـنا مرة ونشكي للزمن حيفه

ابو وفي العاني

من اللهفة وحجم الشوق مرسالي
تعـدا حاضري أمسي وحـاسـبـني

نسيتك ثم ذكـرتـك يـاهـوى بالي
كتبتك قبل منت تـكـون كاتـبـني

احبك والمـحـبـة جـااات طـوالي
وجيتك قبل مانت تكون جايبني

عذابي من عذابي الراح والحـالي
ووجودي من وجودك يامـعـاتبني

لو اني استـقـر بـربـعـك الـخـالـي
ثـلاث اربـاع مـابـاقـي يـكـذبـنـي

فداك الروح وانفـاسي وكـرمـالي
على المرسال بنتظـرك تجـاوبـني

أبي أسأل بعدك تحس اني الغالي
أو أنك صرت ماتـقـدر تـقـاربـنـي

انا وصيت بك قـلـبي من الـتـالي
غـرامـك ثـم و جـودك يامناسبني

و انا ماكنت مـتـرجي من الـعـالي
يجي لـه يـوم و يـفـكـر يـحـاربني

ولاني كنت بمقـصـر عـلـى عـيـالي
ودامك أصغـر عـيـالـي وعـاجـبـني

بحطك في وسط عـينـي و جـوالي
هـذول اثـنـيـن أكـثـر من يـواكبـني

وإذا تسأل عن احـوالي ف احـوالي
مريض وماني بصـاحي. وراقـبـنـي

وصرت اغيب عن ربـعـي وأخـوالي
وصرت اشوف هالـدنـيـا تـعـاقـبـني

وصرت اغـيب عن شـعـري ومـوالي
وصرت اخاف من شي ن ماصايبني

وصرت اخاف من خـوفي و عـذالي
وصرت انـام و طـيـوفـك تـواربـنـي

وصرت اضـيـع في شـعـري واقوالي
وصـرت اشـوفـنـي كلـمـة تـلاعـبـني

هـداك.. الـلـه.. يـاقـلـبـي و انـا مـالي
عـشـقـتـه و انـت اول من يصاحبني

ابو وفي العاني